ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ພະຈິກນີ້, ຈີນ ແລະເອຢີບໄດ້ເຊັນສັນຍາການຮ່ວມມືດ້ານເສດຖະກິດ ແລະເຕັກໂນໂລຊີ. ທ່ານລ້ຽວລີ້ສຽງ, ເອກອັກຄະລັດຖະທູດຈີນປະຈຳເອຢີບ ໄດ້ຕາງໜ້າໃຫ້ລັດຖະບານຈີນ ແລະທ່ານນາງຣາເນຍ ອານ-ມາຊາດ, ລັດຖະມົນຕີກະຊວງການຮ່ວມມືສາກົນຂອງເອຢີບ ໄດ້ຕາງໜ້າໃຫ້ລັດຖະບານເອຢີບ ລົງນາມໃນສັນຍາສະບັບດັ່ງກ່າວ.
ໃນພິທີເຊັນສັນຍາດັ່ງກ່າວ, ທ່ານລ້ຽວລີ້ສຽງກ່າວວ່າ: ຈີນ ແລະເອຢີບ ໄດ້ຕັ້ງໜ້າຊຸກຍູ້ການຮ່ວມມືພັດທະນາລະຫວ່າງສອງປະເທດໃນຂົງເຂດສາທາລະນະສຸກ, ການສຶກສາ, ຄົມມະນາຄົມ, ຂໍ້ມູນຂ່າວສານ, ການບິນອະວະກາດ ແລະອື່ນໆ ໃນຂອບການຮ່ວມມືຈີນ-ອາຟຣິກາ ແລະຂອບ “ໜຶ່ງແລວໜຶ່ງເສັ້ນທາງ” ພ້ອມທັງໄດ້ຮັບຜົນສຳເລັດຢ່າງຫຼວງຫຼາຍ. ຈີນຍິນດີຮ່ວມກັບເອຢີບ ເພີ່ມພະລັງແຮງໃຫ້ແກ່ການເລັ່ງລັດການຈັດຕັ້ງປະຕິບັດວາລະການພັດທະນາແບບຍືນຍົງຮອດປີ 2030 ຂອງອົງການສະຫະປະຊາຊາດ ແລະບັນລຸການພັດທະນາແບບຍືນຍົງທົ່ວໂລກ.
ທ່ານນາງ ຣາເນຍ ອານ-ມາຊາດກ່າວວ່າ: ເອຢີບຈະຖອດຖອນບົດຮຽນດ້ານການພັດທະນາຂອງຈີນໃຫ້ຫຼາຍກວ່າເກົ່າ, ນຳເຂົ້າເຕັກໂນໂລຊີທີ່ທັນສະໄໝຈາກຈີນ ເພື່ອຊຸກຍູ້ການພັດທະນາເສດຖະກິດສັງຄົມຂອງເອຢີບ ແລະສ້າງຄວາມຜາສຸກໃຫ້ກັບປະຊາຊົນເອຢີບ.
ຄຳເຫັນ
0