ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວແຈ້ງວ່າ: ຫວ່າງກ່ອນນີ້ບໍ່ດົນ, ຜູ້ນຳອາເມຣິກາໄດ້ອອກຖະແຫຼງການໂດຍໄດ້ຕຳນິຕິຕຽນສະພາບສິດທິມະນຸດແລະປະຊາທິປະໄຕຂອງຫຼາຍປະເທດແລະເຂດແຄວ້ນ, ໃນນັ້ນຍັງໄດ້ກ່າວເຖິງເຂດບໍລິຫານພິເສດຮົງກົງຂອງຈີນ.
ວັນທີ 9 ພະຈິກນີ້, ໃນເວລາຕອບຄຳຖາມທີ່ກ່ຽວຂ້ອງໃນກອງປະຊຸມຂ່າວປະຈຳ, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນກ່າວວ່າ: ອາເມຣິກາໄດ້ໂຄສະນາການກະທຳຜິດດ້ວຍການໃຊ້ຄວາມຮຸນແຮງທຳຮ້າຍປະຊາຊົນຮົງກົງແລະທຳລາຍສິ່ງກໍ່ສ້າງສາທາລະນະນັ້ນເປັນ“ພາບປະຊາທິປະໄຕທີ່ສວຍງາມ”, ກົງກັນຂ້າມພັດໄດ້ໃສ່ຮ້າຍປ້າຍສີອົງການປົກຄອງເຂດບໍລິຫານພິເສດຮົງກົງທີ່ປົກປ້ອງສິດແລະຜົນປະໂຫຍດຂອງປະຊາຊົນແລະຄວາມເປັນລະບຽບຮຽບຮ້ອຍທາງສັງຄົມຢູ່ຮົງກົງຕາມກົດໝາຍນັ້ນວ່າເປັນການລະເມີດສິດທິມະນຸດແລະເສລີພາບ. ອາເມຣິກາໄດ້ນຳໃຊ້ສິດທິມະນຸດ ປະຊາທິປະໄຕເປັນຂໍ້ອ້າງໃຫ້ກັບຕົນໃນການແຊກແຊງວຽກງານພາຍໃນຂອງປະເທດອື່ນແລະທຳລາຍຄວາມໝັ້ນຄົງຂອງພາກພື້ນແລະສາກົນຊ້ຳແລ້ວຊ້ຳອີກ, ແຕ່ວ່າ, ສະພາບການຈາກອີຣັກຈົນຮອດຊີຣີ ແລະອັຟການິສະຖານ, ຄວາມຈິງໄດ້ພິສູດໃຫ້ເຫັນອີກແລ້ວອີກຕື່ມວ່າ: ອາເມຣິກາໝົດຄວາມສາມາດເພື່ອໂຄສະນາຊວນເຊື່ອປະຊາທິປະໄຕແລະຄ່ານິຍົມແບບອາເມຣິກາຕໍ່ພາຍນອກ, ແຕ່ສິ່ງທີ່ອາເມຣິການຳມາໃຫ້ໂລກນັ້ນ ບໍ່ແມ່ນສະຖຽນລະພາບແລະຄວາມຈະເລີນຮຸ່ງເຮືອງ, ແຕ່ແມ່ນຄວາມປັ່ນປ່ວນວຸ້ນວາຍແລະໄພພິບັດ. ອາເມຣິກາແມ່ນປະເທດທີ່ບໍ່ມີຄວາມໜ້າເຊື່ອຖືດ້ານສິດທິມະນຸດແລະປະຊາທິປະໄຕ, “ປະຊາທິປະໄຕແບບອາເມຣິກາ”ລົ້ມເຫຼວມາແຕ່ດົນແລ້ວ.
ຄຳເຫັນ
0