ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ພະຈິກນີ້, ທ່ານສີຈີ້ນຜິງ ປະທານປະເທດຈີນໄດ້ສົ່ງສານອວຍພອນໄປຍັງ ເຈົ້າຊີວິດ ໂນໂຣດົມ ສີຫາມຸນີ ແຫ່ງ ກຳປູເຈຍ ເນື່ອງໃນໂອກາດວັນຊາດກຳປູເຈຍ ຄົບຮອບ 68 ປີ.
ທ່ານສີຈີ້ນຜິງກ່າວວ່າ, ປັດຈຸບັນ, ການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ຢູ່ກຳປູເຈຍໄດ້ປະສົບຜົນສຳເລັດເປັນກ້າວໆ, ເສດຖະກິດສັງຄົມແລະຊີວິດການເປັນຢູ່ຄ່ອຍໆໄດ້ຮັບການຟື້ນຟູຢ່າງເປັນປົກກະຕິ. ເຊື່ອວ່າ, ປະຊາຊົນກຳປູເຈຍ ຈະສາມາດເອົາຊະນະການແຜ່ລະບາດຂອງພະຍາດໂຄວິດ-19 ໄດ້ຢ່າງແນ່ນອນ, ແລະໄດ້ຮັບຜົນສຳເລັດໃໝ່ໃຫຍ່ຫຼວງກວ່າເກົ່າໃນພາລະກິດສ້າງສາປະເທດຊາດ. ຂ້າພະເຈົ້າໃຫ້ຄວາມສຳຄັນສູງຕໍ່ການຂະຫຍາຍການພົວພັນລະຫວ່າງຈີນກັບກຳປູເຈຍ, ຍິນດີສຸມຄວາມພະຍາຍາມຮ່ວມກັບເຈົ້າຊີວິດໂນໂຣດົມ ສີຫາມຸນີ, ສົ່ງເສີມມິດຕະພາບອັນເປັນມູນເຊື້ອລະຫວ່າງສອງປະເທດ, ລົງເລິກຄວາມໄວ້ເນື້ອເຊື່ອໃຈກັນທາງຍຸດທະສາດ, ຕັ້ງໜ້າສ້າງປະຊາຄົມຮ່ວມຊາຕາກຳຈີນ-ກຳປູເຈຍ, ສ້າງຄວາມສຸກໃຫ້ແກ່ສອງປະເທດແລະປະຊາຊົນສອງຊາດ.
ຄຳເຫັນ
0