ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ຫວ່າງກ່ອນນີ້ບໍ່ດົນ, ສູນກາງພັກກອມມູນິດຈີນ, ຄະນະລັດຖະບານຈີນໄດ້ພິມ “ຄວາມເຫັນກ່ຽວກັບການລົງເລິກການປ້ອງກັນແລະປົວແປງການມົນລະພິດ”. “ຄວາມເຫັນ”ໄດ້ສະເໜີອອກວ່າ: ເມື່ອຮອດປີ 2025 ການປ່ອຍກາກບອນດີອົກຊິດຕໍ່ຫົວໜ່ວຍຍອດມູນຄ່າຜະລິດຕະພັນພາຍໃນປະເທດຫຼື GDP ໃຫ້ຫຼຸດລົງ 18% ເມື່ອທຽບກັບປີ 2020, ຄວາມຂຸ້ນຂອງຝຸ່ນລະອອງໃນອາກາດຫຼື PM2.5 ໃນຕົວເມືອງໃຫ້ຫຼຸດລົງ 10%, ອັດຕາສ່ວນຂອງຈຳນວນວັນທີ່ມີຄຸນນະພາບອາກາດດີໃຫ້ບັນລຸ 87,5%, ແລະເມືອຮອດປີ 2035 ພາຍຫຼັງການປ່ອຍກາກບອນດີອົກຊິດເຖິງລະດັບສູງສຸດແລ້ວຕ້ອງເຮັດໃຫ້ການປອດການປອຍກາກບອນດີອົກຊິດຫຼຸດລົງຢ່າງມີຄວາມໝັ້ນທ່ຽງແລະຕາມເປົ້າໝາຍຕົ້ນຕໍຕ່າງໆ.
ວັນທີ 10 ພະຈິກນີ້, ທ່ານຫວ່າງເວີນປີ່ນ, ໂຄສົກກະຊວງການຕ່າງປະເທດຈີນໄດ້ກ່າວໃນເວລາຕອບຄຳຖາມໃນກອງປະຊຸມຂ່າວປະສຳວ່າ: ການຮັບມືກັບການປ່ຽນແປງຂອງດິນຟ້າອາກາດ, ຈີນບໍ່ພຽງແຕ່ເວົ້າເທົ່ານັ້ນ, ຍັງໄດ້ປະຕິບັດຕົວຈິງ; ບໍ່ພຽງແຕ່ໄດ້ກຳນົດເປົ້າໝາຍ, ຍັງໄດ້ກຳນົດຕາຕະລາງວຽກງານແລະແຜນການຢ່າງລະອຽດ. ການພິມ “ຄວາມເຫັນ” ດັ່ງກ່າວ, ໄດ້ສະແດງເຖິງຄວາມຕັດສິນໃຈຢ່າງເດັດດ່ຽວແລະການກະທຳອັນແຂງແຮງຂອງຈີນທີ່ຕ້ອງປະຕິບັດຕາມຄຳໝັ້ນສັນຍາທີ່ວາງໄວ້ໃນດ້ານຮັບມືກັບການປ່ຽນແປງຂອງດິນຟ້າອາກາດຂອງທົ່ວໂລກ.
ຄຳເຫັນ
0