ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ພະຈິກນີ້, ໂດຍຕອບສະໜອງຕາມການເຊື້ອເຊີນ, ທ່ານສີຈີ້ນຜິງ ປະທານປະເທດຈີນໄດ້ກ່າວຄຳປາໄສ ໃນກອງປະຊຸມສຸດຍອດດ້ານອຸດສາຫະກຳການຄ້າຂອງອົງການຮ່ວມມືເສດຖະກິດອາຊີປາຊິຟິກ ຜ່ານທາງວິດີໂອ ຈາກນະຄອນຫຼວງປັກກິ່ງ.
ທ່ານສີຈີ້ນຜິງກ່າວວ່າ, ເປັນເວລາດົນນານມາແລ້ວ, ການພັດທະນາເສດຖະກິດຂອງຈີນ ໄດ້ເຊື່ອມໂຍງແລະໄປຄຽງຄູ່ກັນກັບ ຂະບວນການແຫ່ງການຮ່ວມມືຂອງພາກພື້ນອາຊີປາຊິກຟິກມາໂດຍຕະຫຼອດ. ຈີນໄດ້ບັນລຸເປົ້າໝາຍການສ້າງສັງຄົມທີ່ອີ່ມໜຳສຳລານຢ່າງຮອບດ້ານຕາມເວລາກຳນົດ, ໄດ້ແກ້ໄຂບັນຫາຄວາມທຸກຍາກເດັດຖານທີ່ເປັນບັນຫາປະຫວັດສາດ, ແລະໄດ້ເລີ່ມຕົ້ນໄລຍະທາງໃໝ່ແຫ່ງການສ້າງປະເທດສັງຄົມນິຍົມທີ່ຫັນເປັນທັນສະໄໝຮອບດ້ານ. ສິ່ງນີ້ຈະອຳນວຍໂອກາດອັນໃຫຍ່ຫຼວງກວ່າເກົ່າໃຫ້ກັບພາກພື້ນອາຊີປາຊິຟິກ. ຈີນຈະຊຸກຍູ້ການປະຕິຮູບແລະການເປີດປະຕູສູ່ພາຍນອກຢ່າງເດັດດ່ຽວໜຽວແໜ້ນ, ຊຸກຍູ້ການພັດທະນາເສດຖະກິດອາຊີປາຊິຟິກ, ຊຸກຍູ້ການພັດທະນາຕາມທິດສີຂຽວຢ່າງຮອບດ້ານ, ປະກອບສ່ວນເຂົ້າໃນການສ້າງຄວາມສີວິໄລດ້ານນິເວດຂອງອາຊີປາຊິຟິກກໍ່ຄືທົ່ວໂລກ, ສຸມກຳລັງເພື່ອຊຸກຍູ້ການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ປະກອບສ່ວນເຂົ້າໃນການພັດທະນາເສດຖະກິດອາຊີປາຊິຟິກ.
ຄຳເຫັນ
0