ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ພະຈິກນີ້, ໂດຍຕອບສະໜອງຕາມການເຊື້ອເຊີນ, ທ່ານສີຈີ້ນຜິງ ປະທານປະເທດຈີນໄດ້ກ່າວຄຳປາໄສ ໃນກອງປະຊຸມສຸດຍອດດ້ານອຸດສາຫະກຳການຄ້າຂອງອົງການຮ່ວມມືເສດຖະກິດອາຊີປາຊິຟິກ ຜ່ານທາງວິດີໂອ ຈາກນະຄອນຫຼວງປັກກິ່ງ.
ທ່ານສີຈີ້ນຜິງ ຊີ້ອອກວ່າ, ຝ່າຍຕ່າງໆຄວນເປີດໃຈໃຫ້ກວ້າງ, ກຳແໜ້ນທ່ວງທ່າພື້ນຖານ, ຕັ້ງໜ້າເປີດກວ້າງການເປີດປະຕູສູ່ພາຍນອກຢ່າງເປັນເຈົ້າຕົນເອງ, ຊຸກຍູ້ໃຫ້ການຄ້າແລະການລົງທຶນໃຫ້ມີຄວາມເປັນເສລີແລະສະດວກສະບາຍ, ຮັກສາໃຫ້ຕ່ອງໂສ້ການຜະລິດແລະຕ່ອງໂສ້ການສະໜອງໃຫ້ມີຄວາມໝັ້ນທ່ຽງແລະໂລ່ງລ່ຽນ, ຊຸກຍູ້ໃຫ້ຊັບພະຍາກອນເຄື່ອນໄຫວຢ່າງມີລະບຽບຮຽບຮ້ອຍ, ຊຸກຍູ້ໃຫ້ເສດຖະກິດຟື້ນຄືນ, ບັນລຸການພັດທະນາແບບປະສານສົມທົບກັນ. ຕ້ອງຍຶດໝັ້ນການເບິ່ງໄປໃນອະນາຄົດ, ເດີນໄປກ້າວໜ້າ, ຄັດຄ້ານການກະທຳທີ່ມີລັກສະນະຈຳແນກແລະເປັນປໍລະປັກກັນ. ການຈຳແນກດ້ວຍຮູບຖານຈິດສຳນຶກ, ການສ້າງກຸ່ມກ້ອນການເມືອງພາກພື້ນ, ບໍ່ຫ່ອນຈະເຫັນມີທາງອອກໃນທີ່ສຸດ. ພາກພື້ນອາຊີປາຊິຟິກ ບໍ່ສາມາດແລະກໍ່ບໍ່ຄວນກັບຄືນໄປສູ່ສະພາບການທີ່ເປັນປໍລະປັກກັນແລະແບ່ງແຍກກັນຄືກັບໄລຍະສົງຄາມເຢັນ.
ຄຳເຫັນ
0