ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 10 ພະຈິກນີ້, ໃນໄລຍະຈັດກອງປະຊຸມປະເທດພາຄີຂອງສົນທິສັນຍາກ່ຽວກັບການຮັບມືກັບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດ, ຈີນແລະອາເມຣິກາໄດ້ອອກ “ຖະແຫຼງການຮ່ວມກຼາສໂກກ່ຽວກັບການເພີ່ມທະວີການເຄື່ອນໄຫວໃນການຮັບມືກັບການປ່ຽນແປງຂອງດິນຟ້າອາກາດໃນຊຸມປີ 20 ຂອງສັດຕະວັດທີ 21 ລະຫວ່າງຈີນ-ອາເມຣິກາ”. ສອງຝ່າຍໄດ້ສະແດງຄວາມຊົມເຊີຍວຽກງານທີ່ໄດ້ຮັບການຈັດຕັ້ງປະຕິບັດຈົນມາຮອດປັດຈຸບັນນີ້, ສອງຝ່າຍໄດ້ໃຫ້ຄຳໝັ້ນສັນຍາວ່າຈະພະຍາຍາມຮ່ວມກັນ, ແລະຮ່ວມກັນກັບຝ່າຍຕ່າງໆ, ເພີ່ມທະວີການປະຕິບັດຕາມ “ສົນທິສັນຍາປາຣີ”. ເພີ່ມທະວີການເຄື່ອນໄຫວເພື່ອຮັບມືກັບການປ່ຽນແປງຂອງດິນຟ້າອາກາດ, ຮັບມືກັບວິກິດການດ້ານດິນຟ້າອາກາດຢ່າງມີປະສິດທິຜົນບົນພື້ນຖານທີ່ມີຄວາມຮັບຜິດຊອບຮ່ວມກັນແຕ່ມີພັນທະທີ່ຕ່າງກັນ, ປະຕິບັດຕາມຄວາມສາມາດຂອງຕົນແລະພິຈາລະນາເຖິງສະພາບຄວາມເປັນຈິງຂອງປະເທດຕົນ, ສອງຝ່າຍຕົກລົງສ້າງຕັ້ງ “ໜ່ວຍງານການເພີ່ມທະວີການເຄື່ອນໄຫວເພື່ອຮັບມືກັບການປ່ຽນແປງຂອງດິນຟ້າອາກາດໃນຊຸມປີ 20 ຂອງສັດຕະວັດທີ 21”, ເພື່ອເລັ່ງລັດຂະບວນການການຮ່ວມມືໃນການຮັບມືກັບການປ່ຽນແປງຂອງດິນຟ້າອາກາດລະຫວ່າງສອງປະເທດແລະຫຼາຍຝ່າຍ.
ຄຳເຫັນ
0