ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ພະຈິກນີ້, ສູນກາງພັກກອມມູນິດຈີນໄດ້ຈັດກອງປະຊຸມຖະແຫຼງຂ່າວ ເພື່ອແນະນຳກ່ຽວກັບເນື້ອໃນຈິດໃຈຂອງກອງປະຊຸມຄົບຄະນະຄັ້ງທີ 6 ຂອງຄະນະກຳມະການສູນກາງພັກກອມມູນິດຈີນສະໄໝທີ 19.
ທ່ານຫວາງສຽວຮຸ່ຍ, ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນກ່າວວ່າ: ຜົນງານທີ່ສຳຄັນທີ່ສຸດຂອງກອງປະຊຸມຄົບຄະນະຄັ້ງທີ 6 ຂອງຄະນະກຳມະການສູນກາງພັກກອມມູນິດຈີນສະໄໝທີ 19 ແມ່ນໄດ້ຄົ້ນຄວ້າພິຈາລະນາ ແລະຮັບຮອງ “ມະຕິຂອງສູນກາງພັກກອມມູນິດຈີນກ່ຽວກັບຜົນງານອັນໃຫຍ່ຫຼວງ ແລະບົດຮຽນປະຫວັດສາດຈາກການບຸກບືນສູ້ຊົນຂອງພັກໃນຮອບຮ້ອຍປີຜ່ານມາ” ເຊິ່ງເປັນການສະແດງໃຫ້ເຫັນເຖິງຄວາມໝັ້ນໃຈ ແລະຄວາມຮັບຜິດຊອບຂອງພັກກອມມູນິດຈີນ ທີ່ຈື່ຈຳອຸດົມການແຕ່ຫົວທີ ແລະພາລະກໍາຂອງຕົນ, ສືບທອດປະຫວັດສາດ ແລະບຸກເບີກອະນາຄົດ.
ທ່ານຫວາງສຽວຮຸ່ຍກ່າວວ່າ: ກອງປະຊຸມຄົບຄະນະຄັ້ງນີ້ ຍັງໄດ້ຕົກລົງວ່າ: ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 20 ຈະຈັດຂຶ້ນຢູ່ນະຄອນຫຼວງປັກກິ່ງໃນທ້າຍປີ 2022. ກອງປະຊຸມໃຫຍ່ຂອງພັກ ຄັ້ງທີ 20 ນີ້ ເປັນກອງປະຊຸມໃຫຍ່ທີ່ສຳຄັນທີ່ສຸດຄັ້ງໜຶ່ງ ທີ່ພັກເຮົາຈະໄຂຂຶ້ນໃນເວລາອັນສຳຄັນທີ່ພວມກ້າວເຂົ້າສູ່ການສ້າງປະເທດສັງ
ຄົມນິຍົມທີ່ທັນສະໄໝຢ່າງຮອບດ້ານ ແລະເຂົ້າສູ່ການບຸກເບີກຂະບວນການໃໝ່ ເພື່ອມຸ່ງໜ້າໄປສູ່ເປົ້າໝາຍສູ້ຊົນ 100 ປີຂອງເຫດການປະຫວັດສາດສຳຄັນປະການທີສອງ, ເຊິ່ງເປັນເຫດການສຳຄັນອັນໜຶ່ງໃນຊີວິດການເມືອງຂອງພັກ ແລະ ປະເທດຊາດ.
ເວົ້າລວມແລ້ວ, ກອງປະຊຸມຄົບຄະນະຄັ້ງທີ 6 ຂອງຄະນະກຳມະການສູນກາງພັກກອມມູນິດຈີນສະໄໝທີ 19 ເປັນກອງປະຊຸມຄັ້ງໜຶ່ງ ທີ່ມີຄວາມໝາຍສຳຄັນດ້ານປະຫວັດສາດ ທີ່ຈັດຂຶ້ນໃນໄລຍະປະຫວັດສາດທີ່ສຳຄັນ. ເຊື່ອວ່າກອງປະຊຸມຄົບຄະນະຄັ້ງນີ້ ຈະມີຜົນປະໂຫຍດອັນໃຫຍ່ຫຼວງ ແລະເລິກເຊິ່ງໃຫ້ກັບການຊຸກຍູ້ແນວຄິດ, ອຸດົມການ ແລະການເຄື່ອນໄຫວທີ່ເປັນເອກະພາບກັນໃນທົ່ວພັກກອມມູນິດຈີນ, ເຕົ້າໂຮມຄວາມສາມັກຄີ ແລະນຳພາປະຊາຊົນບັນດາເຜົ່າໃນທົ່ວປະເທດຈີນ ບຸກເບີກອະນາຄົດ, ຍຶດໝັ້ນ ແລະພັດທະນາສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ໂດຍຖືເອົາປະຫວັດສາດເປັນແວ່ນແຍງ.
ຄຳເຫັນ
0