李敏

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ກະ​ຊວງ​ການ​ຄ້າ​ຈີນ​ກ່າວ​ວ່າ: ການ​ຮ່ວມ​ມື​​ດ້ານເສດ​ຖະ​ກິດ​ການ​ຄ້າ​ລະ​ຫວ່າງ​ຈີນ​ກັບ​ອາ​ເມ​ຣິ​ກາ​ສອດ​ຄ່ອງ​ກັບ​ຜົນ​ປະ​ໂຫຍດ​ພື້ນ​ຖານ​ຂອງ​ສອງ​ປະ​ເທດ​ແລະ​ປະ​ຊາ​ຊົນ​ສອງ​ຊາດ

2021-11-12 14:53:46 ​cri

ວັນ​ທີ 11 ພະ​ຈິກ​ນີ້, ໃນ​ກອງ​ປະ​ຊຸມ​ຂ່າວ​ປະ​ຈຳທີ່​ຈັດ​ໂດຍ​ກະ​ຊວງ​ການ​ຄ້າ​ຈີນ, ມີ​ສື່ມວນ​ຊົນ​ຖາມ​ວ່າ, ບົດ​ລາຍ​ງານທີ່​ຄະ​ນະ​ກຳ​ມະ​ການ​ການ​ຄ້າ​ອາ​ເມ​ຣິ​ກາ-ຈີນ​​ໄດ້ສະ​ແດງ​ໃຫ້​ເຫັນ​ວ່າ: ປີ 2020, ສຳ​ລັບ​ເຂດ​ເລືອກ​ຕັ້ງ​​ລັດ​ຖະ​ສະ​ພາ​ອາ​ເມ​ຣິ​ກາ 64% ໄດ້​ສົ່ງ​ສິນ​ຄ້າ​ໄປ​ຂາຍ​ຢູ່​ປະ​ເທດ​ຈີນ ລ້ວນ​ແຕ່​ມີ​ການ​ເຕີບ​ໂຕ​ເມື່ອ​ທຽບ​ໃສ່​ປີ 2019, ແລະການ​ສົ່ງ​ອອກ​ສິນ​ຄ້າ​ໄປ​ສູ່​ປະ​ເທດ​ຈີນ​ກໍ່ໄດ້​ເຮັດ​ໃຫ້​ຫຼາຍ​ຂະ​ແໜງ​ການ​ຂອງ​ອາ​ເມ​ຣິ​ກາໄດ້​ຮັບ​ຜົນ​ປະ​ໂຫຍດ. ກະ​ຊວງ​ການ​ຄ້າ​ຈີນ​ຕີ​ລາ​ຄາ​ແນວ​ໃດ​ຕໍ່​ກັບເລື່ອງ​ນີ້?

ຕໍ່​ກັບ​ເລື່ອງ​ນີ້, ທ່​ານ​ນາງ ຊູ້​​ຈົວ​ທີງ ໂຄ​ສົກ​ກະ​ຊວງ​ການ​ຄ້າ​ຈີນ​ໄດ້​ແນະ​ນຳ​ວ່າ, ບົນ​ພື້ນ​ຖານ​ການ​ຄ້າ​ຈີນ-ອາ​ເມ​ຣິ​ກາ​ປີ 2020 ​ສາ​ມາດ​ຮັກ​ສາ​ທ່ວງ​ທ່າ​ການ​ເຕີບ​ໂຕ, ແຕ່​ເດືອນ​ມັງ​ກອນ​ຫາ​ເດືອນ​ຕຸ​ລາ​ປີ​ນີ້, ມູນ​ຄ່າ​ການ​ຄ້າ​ສອງ​ຝ່າຍ​ໄດ້​ມີ​ຈັງ​ຫວະ​ເຕີບ​ໂຕ​ອ່າວ​ໄວ, ເຊິ່ງ​ໄດ້​ເຕີບ​ໂຕ 23,4% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ 2020, ໃນ​ນັ້ນ, ການ​ນຳ​ເຂົ້າ​ສິນ​ຄ້າຈາກ​ອາ​ເມ​ຣິ​ກາ​ໄດ້​ເຕີບ​ໂຕ 28,9%, ການ​ສົ່ງ​ອອກ​ສິນ​ຄ້າ​ສູ່​ອາ​ເມ​ຣິ​ກາ​ໄດ້​ເຕີບ​ໂຕ 21,8%. ເຊິ່ງ​ໄດ້​ສະ​ແດງ​ໃຫ້​ເຫັນ​ຢ່າງ​ເຕັມ​ທີ່​ວ່າ, ເສດ​ຖະ​ກິດ​ສອງ​ປະ​ເທດ​​ໄດ້​ຊ່ວຍ​ຊູ​ຍູ້​ໜູນ​ກັນ​ໃນ​ລະ​ດັບ​ສູງ, ການ​ຮ່ວມ​ມື​ເສດ​ຖະ​ກິດ​ການ​ຄ້າ​ລະ​ຫວ່າງ​ສອງ​ຝ່າຍ​ສອດ​ຄ່ອງ​ກັບ​ຜົນ​ປະ​ໂຫຍດ​ພື້ນ​ຖານ​ຂອງ​ສອງ​ປະ​ເທດ​ແລະ​ປະ​ຊາ​ຊົນ​ສອງ​ຊາດ, ທັງ​ມີ​ຜົນ​ດີ​ຕໍ່​ການ​ຟື້ນ​ຟູ​ເສດ​ຖະ​ກິດ​ໂລກ.

ຄຳ​ເຫັນ

0