ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ພະຈິກນີ້, ສູນກາງພັກກອມມູນິດຈີນໄດ້ຈັດກອງປະຊຸມຖະແຫຼງຂ່າວ ເພື່ອແນະນຳກ່ຽວກັບເນື້ອໃນຈິດໃຈຂອງກອງປະຊຸມຄົບຄະນະຄັ້ງທີ 6 ຂອງຄະນະກຳມະການສູນກາງພັກກອມມູນິດຈີນສະໄໝທີ 19.
ທ່ານຫວາງສຽວຮຸ່ຍ, ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນກ່າວວ່າ: ກອງປະຊຸມຄົບຄະນະຄັ້ງທີ 6 ຂອງຄະນະກຳມະການສູນກາງພັກກອມມູນິດຈີນສະໄໝທີ 19 ໄດ້ມີການສະຫຼຸບ ແລະອະທິບາຍໃໝ່ກ່ຽວກັບແນວຄິດສີຈິ້ນຜິງວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ເຊິ່ງເປັນຈຸດເດັ່ນ ແລະການປະກອບສ່ວນທີ່ສຳຄັນໃນ “ມະຕິຂອງສູນກາງພັກກອມມູນິດຈີນກ່ຽວກັບຜົນງານອັນໃຫຍ່ຫຼວງ ແລະບົດຮຽນປະຫວັດສາດຈາກການບຸກບືນສູ້ຊົນຂອງພັກໃນຮອບຮ້ອຍປີຜ່ານມາ”. ໃນຖະແຫຼງການຂອງກອງປະຊຸມຄົບຄະນະຄັ້ງນີ້, ມີເນື້ອໃນທີ່ວ່າ: “ແນວຄິດສີຈິ້ນຜິງວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເປັນລັດທິມາກແບບຈີນໃນຍຸກປັດຈຸບັນ, ລັດທິມາກໃນສັດຕະວັດທີ 21, ເປັນຫົວກະທິຂອງຍຸກສະໄໝຂອງວັດທະນະທຳຈີນ ແລະ ຈິດໃຈຈີນ, ໄດ້ບັນລຸການກ້າວກະໂດດຄັ້ງໃໝ່ຈາກລັດທິມາກຫັນເປັນແບບຈີນ. ” ເນື້ອໃນດັ່ງກ່າວ ໄດ້ອະທິບາຍເນື້ອໃນທິດສະດີ ແລະຄວາມໝາຍສຳຄັນຂອງແນວຄິດສີຈິ້ນຜິງວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ໄດ້ຢຶນຢັນຄວາມສຳຄັນຂອງແນວຄິດດັ່ງກ່າວໃນປະຫວັດສາດການພັດທະນາຂອງລັດທິມາກ ແລະປະຫວັດສາດການພັດທະນາວັດທະນະທຳຈີນ.
ຄຳເຫັນ
0