ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ພະຈິກນີ້, ໃນເວລາໃຫ້ສຳພາດ, ທ່ານ ອັນໂທນີ, ບລິນເຄັນ, ລັດຖະມົນຕີກະຊວງການຕ່າງປະເທດອາເມຣິກາກ່າວວ່າ: ອາເມຣິກາໄດ້ໃຫ້ຄຳໝັ້ນສັນຍາວ່າ ຈະຮັບປະກັນໃຫ້ໄຕ້ຫວັນມີຄວາມສາມາດປ້ອງກັນຕົວເອງໄດ້, ແລະກ່າວວ່າ, ຫຼາຍປະເທດຖືເອົາການໃຊ້ກຳລັງອາວຸດແຕ່ຝ່າຍດຽວໄປທຳລາຍສະພາບໃນປັດຈຸບັນ ເປັນໄພຂົ່ມຂູ່ອັນໃຫຍ່ຫຼວງຕໍ່ສັນຕິພາບແລະຄວາມໝັ້ນຄົງ.
ວັນທີ 11 ພະຈິກນີ້, ທ່ານວ່າງເວີນປິ່ນ, ໂຄສົກກະຊວງການຕ່າງປະເທດຈີນກ່າວໃນເວລາຕອບຄຳຖາມທີ່ກ່ຽວຂ້ອງໃນກອງປະຊຸມຂ່າວປະຈຳວ່າ, ຖ້ອຍຄວາມທີ່ກ່ຽວຂ້ອງຂອງອາເມຣິກາບໍ່ໄດ້ເອົາຫົວຊານຳຄວາມເປັນຈິງ, ແລະກໍ່ໄດ້ຝ່າຝືນເນື້ອໃນຈິດໃຈຂອງກົດໝາຍສາກົນ. ມີ 180 ປະເທດໃນໂລກໄດ້ຮັບຮອງແລະສະໜັບສະໜູນຫຼັກການປະເທດຈີນດຽວ, ປະຊາຄົມໂລກໄດ້ຍຶດໝັ້ນໃນຫຼັກການປະເທດຈີນດຽວຢ່າງເດັດດ່ຽວໜຽວແໜ້ນ, ຄວາມເປັນເອກະພາບແຫ່ງຊາດຂອງຈີນແມ່ນທ່າອ່ຽງປະຫວັດສາດທີ່ກີດຂວາງບໍ່ໄດ້. ການກະທຳໃນທຸກຮູບແບບທີ່ທ້າທາຍຫຼັກການປະເທດຈີນດຽວ, ສະກັດກັ້ນຄວາມເປັນເອກະພາບຂອງຈີນ ລ້ວນແຕ່ຈະປະລາໄຊຢ່າງແນ່ນອນ.
ຄຳເຫັນ
0