ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ຂ່າວສານກຽວໂຕໄດ້ລາຍງານວ່າ, ນັກຄົ້ນຄວ້າຂອງມະຫາວິທະຍາໄລຊູຄູບາຍີ່ປຸ່ນໄດ້ເຜີຍແຜ່ຜົນການຄົ້ນຄວ້າໂດຍຊີ້ອອກວ່າ: ຊີເອສ ຫຼື ຊີຊຽມ 137 ເຊິ່ງເປັນສານກຳມັນຕະພາບລັງສີທີ່ຖືກປ່ອຍລົງສູ່ທະເລໃນເຫດການເຂື່ອນໄຟຟ້ານິວເຄຼຍເກາະຟູຄູຊີມາທີ່ໄດ້ເກີດຂຶ້ນໃນປີ 2011 ເຊິ່ງໄດ້ໄຫຼໄປຮອດຝັ່ງທະເລຕາເວັນຕົກຂອງອາເມຣິກາແລ້ວແລະສ່ວນໜຶ່ງໄດ້ໄຫຼໄປທາງພາກເໜືອ, ຜ່ານທະເລເບີຣີງທີ່ຢູ່ເໜືອສຸດຂອງອາຊີປາຊີຟິກ, ຄາດວ່າປະມານ 7 ຫາ 8 ປີຈະໄຫຼຄືນສູ່ຝັ່ງທະເລຕາເວັນອອກສຽງເໜືອຂອງຍີ່ປຸ່ນ. ພ້ອມກັນນັ້ນ, ຢູ່ມະຫາສະໝຸດອາກຕິກກໍໄດ້ກວດພົບສານກຳມັນຕະພາບລັງສີຊີຊຽມ 137 ທີ່ຖືກຮົ່ວອອກຈາກເຫດການນິວເຄຼຍຟູຄູຊີມາ.
ວັນທີ 11 ພະຈິກນີ້, ທ່ານວ່າງເວີນປີ່ນ, ໂຄສົກກະຊວງການຕ່າງປະເທດຈີນໄດ້ກ່າວໃນເວລາຕອບຄຳຖາມກ່ຽວກັບເລື່ອງດັ່ງກ່າວໃນກອງປະຊຸມຂ່າວວ່າ, ນີ້ໄດ້ສະແດງໃຫ້ເຫັນອີກຄັ້ງໃໝ່ວ່າການຊຳລະແກ້ໄຂສານປົນເປື້ອນລັງສີນິວເຄຼຍຟູຄູຊີມາຂອງຍີ່ປຸ່ນກ່ຽວພັນກັບສິ່ງແວດລ້ອມນິເວດທາງທະເລຊີວະພາບຂອງທະເລທົ່ວໂລກແລະສຸຂະພາບຂອງຄົນທົ່ວໄປ, ນີ້ບໍ່ແມ່ນເລື່ອງສ່ວນຕົວຂອງຍີ່ປຸ່ນເທົ່ານັ້ນ. ພວກເຮົາເຕືອນໃຫ້ຍີ່ປຸ່ນຕັ້ງໜ້າຮັບຟັງຄວາມກັງວົນຂອງປະເທດໃກ້ຄຽງແລະປະຊາຄົມໂລກ, ຄວນມີທ່າທີຮັບຜິດຊອບຕໍ່ສິ່ງແວດລ້ອມທາງທະເລແລະສຸຂະພາບຂອງມະນຸດ, ຍົກເລີກຂໍ້ຕົກລົງທີ່ພິດພາດກ່ຽວກັບການປ່ອຍນ້ຳປົນເປື້ອນລັງສີນິວເຄຼຍທະເລ.
ຄຳເຫັນ
0