蔡宝峰

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຈີນ​ພ້ອມ​ແລ້ວຈະ​ປະ​ຕິ​ບັດ​ຕາມ​ສັນ​ຍາ RCEP

2021-11-12 10:53:29 CRI

     ໃນ​ກອງ​ປະ​ຊຸມ​ຂ່າວ​ປະ​ຈຳ​ທີ່​ຈັດ​ຂຶ້ນ​ໂດຍ​ກະ​ຊວງ​ການ​ຄ້າ​ຈີນ​ໃນ​ວັນ​ທີ 11 ພະ​ຈິກນີ້, ທ່ານ​ນາງ​ຊູ້ຈົວ​ທີງ ໂຄ​ສົກ​ກະ​ຊວງ​ການ​ຄ້າ​ຈີນ​ກ່າວ​ວ່າ: “ສັນ​ຍາ​ວ່າ​ດ້ວຍ​ການ​ພົວ​ພັນ​ຄູ່​ຮ່ວມເສດ​ຖະ​ກິດ​ຮອບ​ດ້ານ​ໃນ​ພາກ​ພື້ນ”ຫຼື RCEP , ຈະ​ເລີ່ມ​ມີ​ຜົນ​ບັງ​ຄັບ​ໃຊ້​ແຕ່​ວັນ​ທີ 1 ມັງ​ກອນ​ປີ 2022 ເປັນ​ຕົ້ນ​ໄປ. ປະ​ຈຸ​ບັນ, ວຽກ​ງານ​ກະ​ກຽມ​ດ້ານ​ຕ່າງໆພາຍ​ໃນ​ປະ​ເທດ​ຈີນ​ເພື່ອ​ປະ​ຕິ​ບັດຕາມ​ສັນ​ຍາ RCEP ແມ່ນ​ຮຽບ​ຮ້ອຍແລ້ວ, ຈີນ​ຮັບ​ປະ​ກັນ​ໄດ້​ວ່າ​ຈະສາ​ມາດ​ປະ​ຕິ​ບັດ​ຕາມ​ພັນ​ທະ​ຢ່າງ​ຮອບ​ດ້ານໄດ້​ໃນ​ເວ​ລາທີ່​ສັນ​​ຍາ​ມີ​ຜົນ​ບັງ​ຄັບ​ໃຊ້.

ທ່ານ​ນາງ​ຊູ້​ຈົວ​ທີງ​ໄດ້​ແນະ​ນຳ​ໃຫ້​ຮູ້​ວ່າ: ກະ​ຊວງ​ການ​ຄ້າ​ຈີນ​ຈະ​ຊຸກ​ຍູ້​ວຽກ​ງານ​ການ​ປະ​ຕິ​ບັດ​ສັນ​ຍາ​ຫຼັ​ງ​ສັນ​ຍາ​ມີ​ຜົນ​ບັງ​ຄັບ​ໃຊ້​ຢ່າງ​ໜັກ​ແໜ້ນ, ຊີ້​ນຳ​ທ້ອງ​ຖິ່ນ​ຕ່າງໆໃຫ້​ເຊື່ອມ​ຈອດກັນ​ກັບນະ​ໂຍ​ບາຍ RCEP ຢ່າງ​ເລິກ​ເຊິ່ງ​ໂດຍ​ອີງ​ຕາມ​ເອ​ກະ​ລັກ​ແລະ​ທ່າ​ແຮງ​ຂອງ​ຜະ​ລິດ​ຕະ​ພັນ​ຂອງທ້ອງ​ຖິ່ນ​ຕົນ, ກຳ​ໂອ​ກາດ​ເປີດກວ້າງ​ຕະ​ຫຼາດ RCEP , ເຮັດ​ໃຫ້​ການ​ຄ້າ​ແລະ​ການ​ລົງ​ທຶນ​ມີ​ການ​ພັດ​ທະ​ນາ​ດ້ວຍ​ຄຸນ​ນະ​ພາບ​ສູງ, ຊຸກ​ຍູ້​ການ​ຍົກ​ລະ​ດັບ​ການ​ຜະ​ລິດ, ຊຸກ​ຍູ້​ໃຫ້​ຕ່ອງ​ໂສ້​ການ​ຜະ​ລິດ​ລະ​ຫວ່າງ​ຈີນ​ກັບບັນ​ດາ​ປະ​ເທດ​ສະ​ມາ​ຊິກເຊື່ອມ​ໂຍງ​ເຂົ້າ​ກັນ​ຢ່າງ​ເລິກ​ເຊິ່ງ ແລະ​ຍົກ​ລະ​ດັບ​ສະ​ພາບ​ແວດ​ລ້ອມ​ການເຮັດ​ທຸ​ລະ​ກິດ​ໃຫ້​ສູງ​ຂຶ້ນ​ຢ່າງບໍ່​ຢຸດຢັ້ງ.

ຄຳ​ເຫັນ

0