ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ພະຈິກນີ້, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນ ໄດ້ສົນທະນາກັບທ່ານອັນໂຕນີ ບລິນເກັນ ລັດຖະມົນຕີກະຊວງການຕ່າງປະເທດອາເມຣິກາຜ່ານທາງໂທລະສັບ.
ທ່ານວາງຢີ້ກ່າວວ່າ: ທ່ານສີຈິ້ນຜິງ ປະທານປະເທດຈີນຈະພົບປະເຈລະຈາກັບທ່ານໂຈ ໄບເດັນ ປະທານາທິບໍດີອາເມຣິກາຜ່ານທາງວີດີໂອໃນວັນທີ 16 ພະຈິກນີ້. ການພົບປະເຈລະຈາທີ່ປະຈັກຕາຕໍ່ຊາວໂລກຄັ້ງນີ້ ບໍ່ພຽງແຕ່ແມ່ນເລື່ອງໃຫຍ່ໃນການພົວພັນລະຫວ່າງຈີນ-ອາເມຣິກາ ທັງເປັນເຫດການໃຫຍ່ໃນການພົວພັນສາກົນ. ປະມຸກລັດສອງປະເທດມີບົດບາດສຳຄັນໃນການຊີ້ນຳນຳພາການພົວພັນລະຫວ່າງສອງປະເທດ. ສອງຝ່າຍຄວນໄປຕາມທິດທາງດຽວກັນ, ກະກຽມໃຫ້ດີເພື່ອການເຈລະຈາຄັ້ງນີ້, ຮັບປະກັນໃຫ້ການພົບປະເຈລະຈາທີ່ສຳຄັນຄັ້ງນີ້ດຳເນີນໄປຢ່າງສະດວກແລະສຳເລັດຜົນ, ຊຸກຍູ້ໃຫ້ການພົວພັນລະຫວ່າງຈີນ-ອາເມຣິກາກັບຄືນສູ່ເສັ້ນທາງພັດທະນາທີ່ປອດໄສແລະໝັ້ນທ່ຽງ.
ທ່ານບລິນເກັນກ່າວວ່າ: ທົ່ວໂລກໄດ້ໃຫ້ຄວາມສຳຄັນສູງຕໍ່ການພົບປະເຈລະຈາຜ່ານທາງວີດີໂອລະຫວ່າງປະມຸກລັດອາເມຣິກາ-ຈີນ, ສອງຝ່າຍໄດ້ກຽມພ້ອມຢ່າງເຕັມສ່ວນ. ອາເມຣິກາຫວັງວ່າການພົບປະເຈລະຈາຄັ້ງນີ້ ຈະໄດ້ແລກປ່ຽນຄວາມເຫັນກ່ຽວກັບການພົວພັນລະຫວ່າງສອງຝ່າຍບົນຈິດໃຈທີ່ເຄົາລົບເຊິ່ງກັນແລະກັນ, ຮ່ວມກັນສົ່ງສັນຍານທີ່ເຂັ້ມແຂງໃຫ້ທົ່ວໂລກ.
ຄຳເຫັນ
0