ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ພະຈິກນີ້, ທ່ານວລາດີເມຍ ປູຕິນ ປະທານາທິບໍດີຣັດເຊຍໄດ້ເຂົ້າຮ່ວມກອງປະຊຸມບໍ່ເປັນທາງການຂອງຜູ້ນຳອົງການເສດຖະກິດແລະການຮ່ວມມື ອາຊີປາຊີຟິກ ຫຼື APEC ຄັ້ງທີ 28 ຜ່ານທາງວິດີໂອ. ທ່ານກ່າວວ່າ: ຣັດເຊຍເດັດດ່ຽວຄັດຄ້ານການຂວ້ຳບາດແຕ່ຝ່າຍດຽວທີ່ມີຈຸດປະສົງທາງການເມືອງໃນເສດຖະກິດໂລກ.
ມື້ດຽວກັນ, ເວັບໄຊວັງແກຼມແລງໄດ້ອອກຖະແຫຼງການວ່າ: ທ່ານປູຕິນກ່າວວ່າ: ຣັດເຊຍເດັດດ່ຽວຄັດຄ້ານລັດທິປົກປ້ອງການຄ້າ, ຄັດຄ້ານການຂວ້ຳບາດແຕ່ຝ່າຍດຽວທີ່ມີຈຸດປະສົງທາງການເມືອງເພື່ອບັນລຸເປົ້າໝາຍທີ່ຍາດເອົາຕະຫຼາດແລະ ດັບສູນຄູ່ແຂ່ງຂັນ. ທ່ານກ່າວເນັ້ນວ່າ: ການປົກປັກຮັກສາໂຄງປະກອບການຄ້າຫຼາຍຝ່າຍທີ່ຖືອົງການການຄ້າໂລກເປັນແກນກາງນັ້ນ ສອດຄ່ອງກັບຜົນປະໂຫຍດຂອງທົ່ວປະຊາຄົມໂລກ.
ຍ້ອນໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ກອງປະຊຸມບໍ່ເປັນທາງການຂອງຜູ້ນຳອົງການເສດຖະກິດແລະການຮ່ວມມືອາຊີປາຊີຟິກຄັ້ງທີ 28 ໄດ້ຈັດຂຶ້ນຜ່ານທາງວີດີໂອ ໂດຍມີປະເທດນູແວນເຊລັງທີ່ເປັນປະເທດປະທານໝູນວຽນເປັນປະທານຂອງກອງປະຊຸມ. ຜູ້ນຳທີ່ຮ່ວມປະຊຸມໄດ້ຮ່ວມກັນປຶກສາຫາລືບັນຫາກ່ຽວກັບການຄວບຄຸມສະພາບພະຍາດໂຄວິດ-19 ຢ່າງຕໍ່ເນື່ອງ, ການຮ່ວມມືດ້ານການຄ້າແລະເສດຖະກິດຢູ່ພາກພື້ນລະຫວ່າງກຸ່ມເສດຖະກິດສະມາຊິກແລະບັນຫາອື່ນໆ.
ຄຳເຫັນ
0