ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັບແຕ່ປີນີ້ເປັນຕົ້ນມາ, ຈີນໄດ້ອອກນະໂຍບາຍ ແລະ ໃຊ້ມາດຕະການຫຼຸດພາສີແລະຄ່າທຳນຽມຕ່າງໆ ເພື່ອຫຼຸດພາລະຂອງວິສາຫະກິດໃຫ້ໜ້ອຍລົງ ແລະ ເພີ່ມພະລັງຊີວິດໃຫ້ກັບຕະຫຼາດ. ຫວ່າງມໍ່ໆມານີ້, ຜູ້ຮັບຜິດຊອບທີ່ກ່ຽວຂ້ອງຂອງອົງການສ່ວຍສາອາກອນແຫ່ງຊາດຈີນໄດ້ແຈ້ງໃຫ້ຮູ້ວ່າ, ໃນ 3 ໄຕມາດຂອງປີນີ້, ຈຳນວນການຫຼຸດອາກອນ ແລະ ຄ່າທຳນຽມທີ່ເພີ່ມໃໝ່ໃນທົ່ວປະເທດຈີນໄດ້ມີເຖິງ 910,1 ຕື້ຢວນ, ນະໂຍບາຍແລະມາດຕະການເຫຼົ່ານີ້ຈະສືບຕໍ່ຊ່ວຍເຫຼືອວິສາຫະກິດຕ່າງໆໃຫ້ສາມາດແກ້ໄຂຄວາມຫຍຸ້ງຍາກໄດ້.
ນັບແຕ່ໄຕມາດທີ 3 ເປັນຕົ້ນມາ, ໂດຍແນໃສ່ສິ່ງທ້າທາຍໃໝ່ທີ່ເກີດຂຶ້ນຈາກການເຄື່ອນໄຫວເສດຖະກິດ ໂດຍສະເພາະແມ່ນຜົນກະທົບຕໍ່ເສດຖະກິດອຸດສາຫະກຳ ກໍ່ຄືວິສາຫະກິດອຸດສາຫະກຳການຜະລິດທີ່ເກີດຈາກລາຄາສິນຄ້າລາຍໃຫຍ່ຖີບຕົວສູງຂຶ້ນ ແລະ ຕົ້ນທຶນການຜະລິດສູງຂຶ້ນ, ບົນພື້ນຖານນະໂຍບາຍຫຼຸດອາກອນ ແລະ ຄ່າທຳນຽມທີ່ໄດ້ປະກາດໃຊ້ໄປແລ້ວນັ້ນ ຈີນໄດ້ເພີ່ມມາດຕະການທີ່ເລື່ອນເວລາ ແລະ ເກັບອາກອນເປັນແຕ່ລະໄລຍະສຳລັບວິສາຫະກິດອຸດສາຫະກຳການຜະລິດຂະໜາດກາງ ແລະ ນ້ອຍ ແລະ ມາດຕະການທີ່ຫຼຸດ ຍົກເລີກ ແລະ ເລື່ອນເວລາເກັບອາກອນວິສາຫະກິດຜະລິດໄຟຟ້າດ້ວຍຖ່ານຫີນ ແລະ ວິສາຫະກິດສະໜອງພະລັງງານຄວາມຮ້ອນ ເພື່ອເພີ່ມຄວາມໝັ້ນໃຈໃຫ້ກັບວິສາຫະກິດທີ່ມີຕໍ່ຕະຫຼາດ.
ຄຳເຫັນ
0