ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ14ພະຈິກນີ້ຕາມເວລາທ້ອງຖິ່ນ,ຍ້ອນວ່າຢູ່ນິວແດນລີ ເກີດມີມົນລະພິດທາງອາກາດນັບມື້ນັບຮ້າຍແຮງ,ອົງການປົກຄອງນະຄອນນິວແດນລີຈະຍື່ນຄຳຮ້ອງຕໍ່ສານສູງສຸດເພື່ອໃຫ້ຈັດຕັ້ງປະຕິບັດມາດຕະການຄວບຄຸມ. ຂະນະດຽວກັນ,ພາກສ່ວນສິ່ງແວດລ້ອມນິວແດນລີໄດ້ປະກາດແຈ້ງການແລ້ວ ໂດຍຮຽກຮ້ອງໃຫ້ບັນດາໂຮງຮຽນ ອົງການຈັດຕັ້ງ ອົງການປົກຄອງນະຄອນ ແລະບໍລິສັດເອກະຊົນກະກຽມຮັບມືໃຫ້ດີ ເພື່ອຈັດຕັ້ງປະຕິບັດມາດຕະການຄວບຄຸມມົນລະພິດທາງອາກາດແບບສຸກເສີນຢ່າງມີປະສິດທິຜົນ ເຊິ່ງຈະເລີ່ມແຕ່ວັນທີ15ພະຈິກນີ້ເປັນຕົ້ນໄປ. ເພື່ອຫຼຸດສະພາບມົນລະພິດທາງອາກາດໃຫ້ໜ້ອຍລົງຕື່ມອີກ,ນິວແດນລີຈະດຳເນີນການເຄື່ອນໄຫວຕ້ານການຈູດຂີ້ເຫຍື້ອຢູ່ສະຖານທີ່ສາທາລະນະ ນັບແຕ່ວັນທີ11ພະຈິກຫາວັນທີ11ທັນວາປີນີ້.
ນອກນີ້,ໂຮງງານຜະລິດໄຟຟ້າດ້ວຍນ້ຳມັນກາຊວນແລະເຕົາເຜົາຖ່ານຫີນຢູ່ນະຄອນນິວແດນລີຈະປິດການເຄື່ອນໄຫວ; ຂະນະດຽວກັນຈະຍົກຄ່າຈອດລົດໃຫ້ສູງຂຶ້ນເພື່ອໃຫ້ມີການໃຊ້ລົດໜ້ອຍລົງ; ເພີ່ມຖ້ຽວລົດໃຕ້ດິນແລະຖ້ຽວລົດເມ, ລະດົມຊາວເມືອງໃຫ້ຫັນມາໃຊ້ພາຫະນະສາທາລະນະໃນການອອກເດີນທາງ. ທົ່ວນະຄອນນິວແດນລີໄດ້ເພີ່ມລົດຫົດນ້ຳ400ຄັນເພື່ອເຮັດຄວາມສະອາດຕາມຖະໜົນ ແລະຫຼຸດຝຸ່ນລະອອງໃນອາກາດໃຫ້ໜ້ອຍລົງ.
ຄຳເຫັນ
0