ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ພະຈິກນີ້ຕາມເວລາທ້ອງຖິ່ນ, ຟີລິບປິນມີໂຮງຮຽນ 100 ແຫ່ງເລີ່ມການທົດລອງການສິດສອນ ແບບເຊິ່ງໜ້າ. ໂຮງຮຽນ 100 ແຫ່ງນີ້ລ້ວນແຕ່ຕັ້ງຢູ່ເຂດມີຄວາມສ່ຽງຕ່ຳດ້ານການແຜ່ລະບາດຂອງພະຍາດໂຄວິດ-19, ພາຍຫລັງເປີດການຮຽນການສອນແລ້ວຍັງຕ້ອງສືບຕໍ່ປະຕິບັດຕາມມາດຕະການປ້ອງກັນພະຍາດໂຄວິດ-19ທີ່ລັດຖະບານວາງອອກເຊັ່ນເຄີຍ.
ນັບແຕ່ພະຍາດໂຄວິດ-19ແຜ່ລະບາດເປັນຕົ້ນມາ, ໂຮງຮຽນຕ່າງໆໃນຟີລິບປິນໄດ້ປິດການຮຽນການສອນມາເປັນເວລາ 19 ເດືອນແລ້ວ. ອີງຕາມຂໍ້ກຳນົດທີ່ກ່ຽວຂ້ອງ, ຫ້ອງຮຽນຕ່າງໆຂອງໂຮງຮຽນທີ່ທົດລອງການສິດສອນໃນຄັ້ງນີ້ຈະມີນັກຮຽນ12-15 ຄົນ, ພະນັກງານຄູອາຈານທັງໝົດທີ່ມີສ່ວນຮ່ວມໃນການສິດສອນຕ້ອງແມ່ນຜູ້ທີ່ໄດ້ສັກວັກຊີນແລ້ວ.
ການທົດລອງຄັ້ງນີ້ຈະສິ້ນສຸດລົງໃນວັນທີ 22 ທັນວາທີ່ຈະມາເຖິງ, ຖ້າວ່າສະພາບການທົດລອງໄດ້ຮັບຜົນດີ, ນັບແຕ່ວັນທີ 3 ມີນາ ປີ 2022 ເປັນຕົ້ນໄປ, ກໍຈະເພີ່ມຈຳນວນໂຮງຮຽນທີ່ທົດລອງການສິດສອນແບບເຊິ່ງໜ້າຕື່ມອີກ.
ຄຳເຫັນ
0