ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍຜ່ານການເຈລະຈາເປັນເວລາສິບກວ່າວັນ, ວັນທີ 13 ພະຈິກນີ້, ຝ່າຍຕ່າງໆທີ່ເຂົ້າຮ່ວມກອງປະຊຸມປະເທດພາຄີໃນ “ສົນທິສັນຍາຂອບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດ” ຄັ້ງທີ 26 ໄດ້ເຊັນສັນຍາສະບັບໃໝ່ ເພື່ອຮັບມືກັບວິກິດການດ້ານດິນຟ້າອາກາດໃນອະນາຄົດ. ສັນຍາສະບັບດັ່ງກ່າວລວມທັງ ການຫຼຸດປະລິມານການໃຊ້ວັດຖຸເຊື້ອໄຟຟອດຊີວ ເຊັ່ນ: ຖ່ານຫີນເປັນຕົ້ນ ແລະ ໄດ້ວາງແຜນປະຕິບັດງານໂດຍແນໃສ່ການຄວບຄຸມຈັງຫວະການເພີ່ມຂຶ້ນຂອງອຸນຫະພູມທົ່ວໂລກບໍ່ໃຫ້ກາຍ 1,5 ອົງສາທີ່ໄດ້ກຳນົດໄວ້ໃນ “ສັນຍາປາຣີ” ໃນປີ 2015. ຫຼັງຈາກກອງປະຊຸມ ຈີນກ່າວວ່າ, ຜົນງານທີ່ໄດ້ຮັບໃນກອງປະຊຸມເທື່ອນີ້ເປັນການໃຫ້ກຳລັງໃຈຫຼາຍຂຶ້ນ.
ຈີນກ່າວວ່າ, ຜົນງານຂອງກອງປະຊຸມເປັນການສ້າງພື້ນຖານທີ່ດີໃຫ້ກັບການຈັດຕັ້ງປະຕິບັດ“ສັນຍາປາຣີ”, ເປັນການຂຽນປະຫວັດສາດໜ້າໃໝ່ໃກ້ກັບໂລກໃນການຮັບມືກັບການປ່ຽນແປງຂອງດິນຟ້າອາກາດ. ກອງປະຊຸມຄັ້ງນີ້ໄດ້ຮັບຄວາມຄືບໜ້າອັນຕັ້ງໜ້າຈຳນວນໜຶ່ງກ່ຽວກັບການປັບຕົວໃຫ້ເຂົ້າກັບການປ່ຽນແປງຂອງດິນຟ້າອາກາດ ກໍ່ຄືກອງທຶນດຸດໜູນເປັນຕົ້ນ ເຊິ່ງເປັນຫົວຂໍ້ທີ່ປະເທດພວມພັດທະນາໃຫ້ຄວາມສົນໃຈໂດຍທົ່ວໄປ. ຈີນຈະຕັ້ງໜ້າເຂົ້າຮ່ວມຂະບວນການຮັບມືກັບການປ່ຽນແປງຂອງດິນຟ້າອາກາດທົ່ວໂລກຄືທີ່ເຄີຍໄດ້ເຮັດຜ່ານມາຕະຫຼອດໄປ, ໂດຍຜ່ານການຮ່ວມມືໃຕ້ໃຕ້, ພ້ອມກັນສ້າງ “ໜຶ່ງແລວໜຶ່ງເສັ້ນທາງ” ຕາມທິດສີຂຽວ, ອອກແຮງສະໜັບສະໜູນປະເທດພວມພັດທະນາໃຫ້ພັດທະນາຕາມທິດຂຽວ ແລະ ກອກບອນຕ່ຳ.
ຄຳເຫັນ
0