ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີຊາປະນາກິດສົບ ທ່ານ ຢວນລົງຜິງ ບັນດິດສະພາບັນດິດວິສະວະກຳຈີນ ໄດ້ຈັດຂຶ້ນຢູ່ສຸສານ ຖັງເລີນວ້ານເຊົ້າຢວນ ນະຄອນສາງຊ່າແຂວງຫູນານ ສປ ຈີນ ໃນວັນທີ 15 ພະຈິກນີ້.
ທ່ານຢວນລົງຜິງທີ່ໄດ້ຮັບສົມຍານາມວ່າ “ບິດາເຂົ້ານາພັນປະສົມ” ໄດ້ເລີ່ມຄົ້ນຄວ້າເຂົ້ານາພັນປະສົມມາແຕ່ປີ 1964, ແມ່ນຜູ້ລິເລີ່ມດ້ານການຄົ້ນຄວ້າ ແລະພັດທະນາເຂົ້ານາພັນປະສົມຂອງປະເທດຈີນ, ທັງເປັນນັກວິທະຍາສາດຜູ້ທຳອິດທີ່ສາມາດນຳໃຊ້ຄວາມດີເລີດຂອງເຂົ້ານາພັນປະສົມຢ່າງສຳເລັດຜົນໃນໂລກ. ນັບແຕ່ປີ 1976 ເປັນຕົ້ນມາ, ຜົນສຳເລັດດ້ານການຄົ້ນຄວ້າເຂົ້ານາພັນປະສົມໄດ້ເຜີຍແຜ່ ແລະນຳໃຊ້ຢ່າງກວ້າງຂວາງ, ເຮັດໃຫ້ສະມັດຕະພາບການຜະລິດຕໍ່ເຮັກຕາ ແລະຍອດປະລິມານການຜະລິດເຂົ້ານາຕ່າງກໍໄດ້ເພີ່ມຂຶ້ນຢ່າງຫລວງຫລາຍ. ເພື່ອບັນລຸຄວາມຫວັງອັນຍິ່ງໃຫຍ່ທີ່ເຮັດໃຫ້ປະຊາຊົນທົ່ວໂລກສາມາດກິນເຂົ້າອີ່ມ, ທ່ານຢວນລົງຜິງໄດ້ນຳພາທີມງານດຳເນີນການຄົ້ນຄວ້າເຂົ້ານາພັນປະສົມພັນຊຸບເປີ, ໄດ້ຍົກສູງຍອດປະລິມານຜົນການຜະລິດຂອງເຂົ້ານາໄດ້ຢ່າງບໍ່ຢຸດຢັ້ງ.
ວັນທີ 22 ພຶດສະພາປີນີ້, ທ່ານຢວນລົງຜິງ ຜູ້ທີ່ໄດ້ປະກອບສ່ວນອັນສຳຄັນເພື່ອຄວາມໝັ້ນຄົງດ້ານສະບຽງອາຫານໄດ້ມໍລະນະກຳ, ລວມອາຍຸໄດ້ 91 ປີ.
ຄຳເຫັນ
0