ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກທີ່ອົງການສະຖິຕິແຫ່ງຊາດຈີນເປີດເຜີຍໃນວັນທີ 15 ພະຈິກນີ້ສະແດງໃຫ້ເຫັນວ່າ: ເສດຖະກິດໂດຍລວມຂອງຈີນມີທ່ວງທ່າຟື້ນຄືນຢ່າງໝັ້ນທ່ຽງ ແລະຕໍ່ເນື່ອງ. ເດືອນຕຸລາທີ່ຜ່ານມາ, ລັດຖະບານຈີນໄດ້ໃຊ້ມາດຕະການຄວບຄຸມ ແລະປ້ອງກັນພະຍາດໂຄວິດ-19 ແລະໄດ້ພັດທະນາເສດຖະກິດສັງຄົມໄປຄວບຄູ່ກັນ, ເພີ່ມທະວີການຮັບປະກັນດ້ານການຕອບສະໜອງ ແລະລາຄາສິນຄ້າໃຫ້ມີຄວາມໝັ້ນທ່ຽງ, ເພີ່ມການສະໜັບສະໜູນຕໍ່ເສດຖະກິດຮູບປະທຳ, ເສດຖະກິດແຫ່ງຊາດສືບຕໍ່ຮັກສາທ່ວງທ່າຟື້ນຟູຄືນໃໝ່.
10 ເດືອນທີ່ຜ່ານມາ, ຕົວຊີ້ວັດຕົ້ນຕໍໄດ້ເຕີບໂຕອ່າວໄວ, ເມື່ອທຽບໃສ່ໄລຍະດຽວກັນຂອງປີກາຍນີ້ແລ້ວ, ມູນຄ່າເພີ່ມຂອງອຸດສາຫະກຳໃຫຍ່ໄດ້ເພີ່ມຂຶ້ນ10,9%, ດັດຊະນີຂອງຂະແໜງການບໍລິການໄດ້ເພີ່ມຂຶ້ນ 15,1%, ຍອດມູນຄ່າຂາເຂົ້າຂາອອກຂອງສິນຄ້າປະແພດຈັບຕ້ອງໄດ້ໄດ້ເພີ່ມຂຶ້ນ 22,2%. ລາຍຮັບ ແລະລາຍຈ່າຍກັບຕ່າງປະເທດມີຄວາມດຸ່ນດ່ຽງໂດຍລວມ, ຄັງສຳຮອງເງິນຕາຕ່າງປະເທດຂອງຈີນມີຫລາຍກວ່າ 3200 ຕື້ໂດລາສະຫະລັດເປັນ 6 ເດືອນລຽນຕິດ. ແຕ່ສະພາບແວດລ້ອມສາກົນໃນປັດຈຸບັນຍັງສັບສົນ ແລະຂ້ຽວຂາດ, ປັດໄຈທີ່ບໍ່ແນ່ນອນຍັງມີຫລາຍຢູ່, ບັນຫາດ້ານໂຄງປະກອບໃນການພັດທະນາພາຍໃນປະເທດຍັງຕິດຄັດ, ຍັງຕ້ອງໄດ້ເພີ່ມພະລັງແຮງອີກຕື່ມເພື່ອເຮັດໃຫ້ເສດຖະກິດຟື້ນຟູຢ່າງໝັ້ນທ່ຽງ.
ຄຳເຫັນ
0