ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ພະຈິກນີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ແນະນຳໃນກອງປະຊຸມຂ່າວປະຈຳວ່າ: ເວທີປຶກສາຫາລືເສດຖະກິດໂລກໄດ້ຈັດກອງປະຊຸມສົນທະນາພິເສດກັບນັກທຸລະກິດທົ່ວໂລກຜ່ານທາງວິດີໂອ.
ທ່ານຈ້າວລີ້ຈ່ຽນກ່າວວ່າ: ປັດຈຸບັນ, ພະຍາດໂຄວິດ-19ຍັງສືບຕໍ່ແຜ່ລະບາດຢູ່, ການຟື້ນຟູເສດຖະກິດໂລກຍັງຜະເຊີນກັບປັດໄຈທີ່ບໍ່ໝັ້ນທ່ຽງ ແລະບໍ່ແນ່ນອນຈຳນວນຫລາຍ. ປະຊາຄົມໂລກ ໂດຍສະເພາະແມ່ນວິສາຫະກິດຂ້າມຊາດໄດ້ໃຫ້ຄວາມສົນໃຈຢ່າງສູງຕໍ່ອະນາຄົດດ້ານການພັດທະນາ ແລະທິດທາງນະໂຍບາຍຂອງເສດຖະກິດຈີນ, ຫວັງຈະລົງເລິກ ແລະເປີດກວ້າງການຮ່ວມມືກັບຈີນ.
ທ່ານຈ້າວລີ້ຈ່ຽນກ່າວຕື່ມວ່າ: ເຊື່ອໝັ້ນວ່າກອງປະຊຸມສົນທະນາຄັ້ງນີ້ຈະມີຜົນດີຕໍ່ປະຊາຄົມໂລກໃນການເຂົ້າໃຈສະພາບການ, ນະໂຍບາຍ ແລະທິດທາງການພັດທະນາດ້ານເສດຖະກິດຂອງຈີນຢ່າງຮອບດ້ານ ແລະຖືກຕ້ອງຕື່ມອີກ, ທັງມີຜົນດີຕໍ່ການຊຸກຍູ້ໃຫ້ບັນດາຝ່າຍເພີ່ມທະວີການຕິດຕໍ່ພົວພັນກັນ ແລະປະສານງານກັນ, ເພື່ອຮ່ວມກັນຮັບມືກັບສິ່ງທ້າທາຍຈາກວິກິດການ, ຊຸກຍູ້ໃຫ້ເສດຖະກິດໂລກຟື້ນຟູຢ່າງໝັ້ນທ່ຽງ.
ຄຳເຫັນ
0