ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນ ໄດ້ກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 16 ພະຈິກນີ້ວ່າ, ທ່ານ ຊຸ່ນກົວຊຽງ ທູດພິເສດກ່ຽວກັບວຽກງານອາຊີຂອງກະຊວງການຕ່າງປະເທດຈີນ ໄດ້ເດີນທາງໄປຢ້ຽມຢາມມຽນມາໃນວັນທີ 15 ພະຈິກນີ້, ຈີນໄດ້ສະໜັບສະໜູນໃຫ້ຝ່າຍຕ່າງໆຂອງມຽນມາຊອກຫາວິທີແກ້ໄຂໃນທາງການເມືອງໂດຍຜ່ານການເຈລະຈາ ແລະ ການປຶກສາຫາລືກັນ.
ທ່ານ ຈ້າວລີ້ຈ່ຽນ ກ່າວຕື່ມວ່າ, ຈີນແມ່ນປະເທດບ້ານໃກ້ເຮືອນຄຽງທີ່ດີຂອງມຽນມາ, ສະໜັບສະໜູນຝ່າຍຕ່າງໆຂອງມຽນມາຊອກຫາວິທີແກ້ໄຂບັນຫາໃນທາງການເມືອງ ໂດຍຜ່ານການເຈລະຈາ ແລະ ການປຶກສາຫາລືກັນໂດຍໄວ ພາຍໃຕ້ຂອບລັດຖະທຳມະນູນ ແລະ ກົດໝາຍ. ມຽນມາ ແມ່ນສະມາຊິກສຳຄັນຂອງຄອບຄົວອາຊຽນ, ຈີນຕັ້ງໜ້າສະໜັບສະໜູນມຽນມາຮ່ວມມືກັບອາຊຽນ ເພື່ອຈັດຕັ້ງປະຕິບັດ “ຄວາມຮັບຮູ້ທີ່ເປັນເອກະພາບກັນ 5 ຂໍ້” ຂອງອາຊຽນກ່ຽວກັບມຽນມາ. ຂະນະດຽວກັນ ຈີນຍັງຈະຮ່ວມກັບປະຊາຄົມໂລກ ເສີມຂະຫຍາຍບົດບາດສ້າງສັນເພື່ອໃຫ້ມຽນມາຟື້ນຟູຄວາມສະຫງົບທາງສັງຄົມໂດຍໄວ ແລະ ເລີ່ມຕົ້ນຂະບວນການຫັນເປັນປະຊາທິປະໄຕພາຍໃນປະເທດຄືນໃໝ່. ຈີນຍ້ອງຍໍມຽນມາ ທີ່ໄດ້ປະຕິບັດຕາມໜ້າທີ່ເປັນປະເທດປະສານງານການພົວພັນຈີນ-ອາຊຽນ, ຊຸກຍູ້ການຮ່ວມມືລະຫວ່າງສອງຝ່າຍໃນທຸກຂົງເຂດ, ແລະຈະສຸມຄວາມພະຍາຍາມ ຮ່ວມກັນກັບມຽນມາ ເພື່ອສືບຕໍ່ຊຸກຍູ້ການພົວພັນຈີນ-ອາຊຽນໃຫ້ໄດ້ຮັບການພັດທະນາໃຫຍ່ຫຼວງກວ່າເກົ່າ.
ຄຳເຫັນ
0