ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ17ພະຈິກນີ້,ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມໃນກອງປະຊຸມຖະແຫຼງຂ່າວໂດຍຊີ້ໃຫ້ເຫັນວ່າ: ແນ່ນອນແລ້ວ ປະເທດຈີນຈະຈັດງານມະຫາກຳກິລາໂອລິມປິກທີ່ງ່າຍດາຍ,ປອດໄພແລະສະຫງ່າງາມຄັ້ງໜຶ່ງສຳລັບໂລກ.
ໂດຍແນໃສ່ຄຳຖາມກ່ຽວກັບກໍລະນີທີ່ມີຂ່າວແຈ້ງວ່າລັດຖະບານອາເມຣິກາອາດຈະຖືບັນຫາສິດທິມະນຸດເປັນຂໍ້ອ້າງແລະຈະປະກາດວ່າບໍ່ສົ່ງຄະນະຜູ້ແທນຝ່າຍທາງການເຂົ້າຮ່ວມງານກິລາໂອລິມປິກລະດູໜາວປັກກິ່ງ,ທ່ານຈ້າວລີ້ຈ່ຽນກ່າວວ່າ: ຂ້າພະເຈົ້າຢາກກ່າວເນັ້ນອີກເທື່ອໜຶ່ງວ່າ: ງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການລະດູໜາວປັກກິ່ງ ປີ2022ເປັນເວທີຂອງນັກກິລາບັນດາປະເທດໃນໂລກທີ່ເຂົ້າຮ່ວມງານກິລາໂອລິມປິກແລະງານກິລາໂອລິມປິກລະດູໜາວ,ເຂົາເຈົ້າຈຶ່ງເປັນຕົວລະຄອນຫຼັກທີ່ແທ້ຈິງ. ປັດຈຸບັນ ວຽກງານກະກຽມງານກິລາໂອລິມປິກລະດູໜາວປັກກິ່ງໄດ້ກ້າວເຂົ້າສູ່ໄລຍະສຸດທ້າຍແລ້ວ,ປະຊາຄົມໂລກ ເຊິ່ງລວມທັງຄະນະກຳມະການໂອລິມປິກສາກົນ ໄດ້ຮັບຮອງວຽກງານກະກຽມຂອງຈີນໃນລະດັບສູງ. ນັກກິລາຂອງຕ່າງປະເທດກໍຄອງຄອຍມາເຂົ້າຮ່ວມການແຂ່ງຂັນງານກິລາໂອລິມປິກລະດູໜາວຢູ່ຈີນ. ຈີນເຊື່ອວ່າ: ພາຍໃຕ້ການຊີ້ນຳຕາມຈິດໃຈໂອລິມປິກແລະຄວາມພະຍາຍາມຮ່ວມຂອງບັນດາຝ່າຍ,ພວກເຮົາຈະຮ່ວມກັນຊຸກຍູ້ພາລະກິດກິລາສາກົນໃຫ້ໄດ້ຮັບການພັດທະນາຢ່າງຟົດຟື້ນມ່ວນຊື່ນແນ່ນອນ.
ຄຳເຫັນ
0