ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພະຈິກນີ້, ທ່ານສີຈີ້ນຜິງ ປະທານປະເທດຈີນໄດ້ໂທລະສັບລົມກັບທ່ານອິສາອັກ ເຣີໂຊກ ປະທານາທິບໍດີອິສຣາແອນ.
ທ່ານສີຈີ້ນຜິງກ່າວວ່າ, ນັບແຕ່ຈີນ ແລະ ອິສຣາແອນສ້າງຕັ້ງສາຍພົວພັນທາງການທູດເປັນຕົ້ນມາ, ສອງຝ່າຍໄດ້ເຄົາລົບຫຼັກການສຳຄັນຕ່າງໆ ເຊັ່ນ: ເຄົາລົບອະທິປະໄຕຂອງກັນແລະກັນ ແລະ ບໍ່ແຊກແຊງວຽກງານພາຍໃນຂອງກັນແລະກັນເປັນຕົ້ນ, ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງວ່ອງໄວ ແລະ ປອດໃສ, ການຮ່ວມມືທີ່ຕິດແທດຕົວຈິງໃນຂົງເຂດຕ່າງໆໄດ້ຮັບໝາກຜົນອັນຕັ້ງໜ້າ. ຈີນໄດ້ໃຫ້ຄວາມສຳຄັນຢ່າງສູງຕໍ່ສາຍພົວພັນຈີນ-ອິສຣາແອນ, ຍິນດີຮ່ວມກັນກັບອິສຣາແອນ ຖືເອົາການສ້າງຕັ້ງສາຍພົວພັນທາງການທູດຄົບຮອບ 30 ປີໃນປີໜ້າເປັນໂອກາດ, ຊຸກຍູ້ການພົວພັນຄູ່ຮ່ວມຮອບດ້ານທີ່ມີການປະດິດສ້າງລະຫວ່າງຈີນ ກັບ ອິສຣາແອນໃຫ້ຂະຫຍາຍຕົວຢ່າງໝັ້ນຄົງປອດໃສ ແລະ ຕໍ່ເນື່ອງເພື່ອສ້າງຄວາມສຸກໃຫ້ແກ່ປະຊາຊົນສອງປະເທດໄດ້ດີກວ່າເກົ່າ.
ທ່ານເຮີໂຊກກ່າວວ່າ, ອິສຣາແອນໃຫ້ການເຄົາລົບນັບຖືຢ່າງຈິງໃຈຕໍ່ຜົນງານການພັດທະນາຂອງປະຊາຊົນຈີນພາຍໃນການນຳພາອັນໂດດເດັ່ນຂອງທ່ານປະທານສີຈີ້ນຜິງ. ອິສຣາແອນເດັດດ່ຽວຍຶດໝັ້ນໃນນະໂຍບາຍປະເທດຈີນດຽວ, ສຸມໃສ່ການລົງເລິກການຂະຫຍາຍສາຍພົວພັນມິດຕະພາບອິສຣາແອນ-ຈີນ. ອິສຣາແອນຍິນດີຮ່ວມກັບຈີນ ຈັດກິດຈະກຳທີ່ເປັນລະບົບເພື່ອສະເຫຼີມສະຫຼອງວັນສ້າງຕັ້ງສາຍພົວພັນທາງການທູດສອງປະເທດຄົບຮອບ 30 ປີ, ເພິ່ມທະວີການຮ່ວມມືໃນຂົງເຂດຕ່າງໆ ເຊັ່ນ: ເຕັກນິກວິທະຍາສາດ, ການປະດິດສ້າງ, ເສດຖະກິດ, ກະສິກຳ ແລະ ກິລາເປັນຕົ້ນ.
ຄຳເຫັນ
0