ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພະຈິກນີ້, ທ່ານນາງແອງເຈີລາ ເມີເຄວ ຮັກສາການນາຍົກລັດຖະມົນຕີເຢຍລະມັນກ່າວວ່າ: ການຕັດສາຍພົວພັນກັບຈີນແມ່ນເລື່ອງທີ່ຜິດພາດ, ເຊິ່ງຈະມີຜົນຮ້າຍຕໍ່ເຢຍລະມັນ ແລະເອີຣົບ.
ທ່ານນາງແອງເຈີລາ ເມີເຄວບໍ່ໄດ້ເປັນຜູ້ລົງສະໝັກຮັບເລືອກຕັ້ງເປັນນາຍົກລັດຖະມົນຕີອີກວາລະໜຶ່ງໃນການເລືອກຕັ້ງສະພາສະຫະພັນເຢຍລະມັນ, ເຊິ່ງໝາຍຄວາມວ່າພາຍຫລັງລັດຖະບານເຢຍລະມັນຊຸດໃໝ່ສ້າງຕັ້ງຂຶ້ນ, ທ່ານນາງແອງເຈີລາ ເມີເຄວຈະພົ້ນອອກຈາກຕຳແໜ່ງໃນທາງການເມືອງ. ສຳລັບລັດຖະບານຊຸດໃໝ່, ທ່ານນາງແອງເຈີລາ ເມີເຄວໄດ້ສະເໜີໃຫ້ເຢຍລະມັນ ແລະສະຫະພາບເອີຣົບສືບຕໍ່ຮ່ວມມືກັບຈີນ.
ທ່ານນາງແອງເຈີລາ ເມີເຄວຊີ້ໃຫ້ເຫັນວ່າ: ຈີນມີການຄົ້ນຄວ້າວິທະຍາສາດທີ່ດີ ແລະມີອຸດສາຫະກຳທີ່ມີປະສິດທິຜົນສູງ, ບໍ່ຄວນຕັດສາຍພົວພັນກັບຈີນ, ໂດຍສະເພາະແມ່ນຂົງເຂດການຄົ້ນຄວ້າວິທະຍາສາດ. ປັນຍາປະດິດ ແລະຂົງເຂດອື່ນໆຂອງຈີນແມ່ນຢູ່ໃນແຖວໜ້າຂອງໂລກແລ້ວ.
ຕະຫລອດໄລຍະ 16 ປີທີ່ທ່ານນາງ ແອງເຈີລາ ເມີເຄວດຳລົງຕຳແໜ່ງເປັນນາຍົກລັດຖະມົນຕີ, ຈີນໄດ້ກາຍເປັນຄູ່ຮ່ວມມືການຄ້າທີ່ໃຫຍ່ທີ່ສຸດຂອງເຢຍລະມັນເປັນກ້າວໆ.
ຄຳເຫັນ
0