ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພະຈິກນີ້, ສະພາຄວາມໝັ້ນຄົງອົງການສະຫະປະຊາຊາດໄດ້ຈັດກອງປະຊຸມກ່ຽວກັບສະຖານະການຢູ່ອັຟການີສະຖານແບບເປີດເຜີຍອີກຄັ້ງໜຶ່ງ. ໃນກອງປະຊຸມ, ທ່ານຈ່ຽງຈວິ່ນ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ, ປະຊາຄົມໂລກຄວນເພີ່ມທະວີຄວາມສາມັກຄີ ແລະ ການຮ່ວມມື ເພື່ອຮ່ວມກັນສະໜັບສະໜູນອັຟການີສະຖານໃຫ້ສາມາດເດີນຕາມເສັ້ນທາງສັນຕິພາບ ສະຖຽນລະພາບ ແລະ ການພັດທະນາ.
ທ່ານນາງເດໂບຣາ ໄລອອນສ໌ ຫົວໜ້າໜ່ວຍງານຊ່ວຍເຫຼືອອັຟການີສະຖານຂອງອົງການສະຫະປະຊາຊາດກ່າວວ່າ, ອົງການຕາລີບັນໄດ້ຊ່ວຍປ້ອງກັນການເຄື່ອນໄຫວດ້ານມະນຸດສະທຳຂອງອົງການສະຫະປະຊາຊາດຢູ່ອັຟການີສະຖານ, ເຈົ້າໜ້າທີ່ອັຟການີສະຖານຫວັງວ່າຈະໄດ້ຮັບການຮັບຮອງຈາກປະຊາຄົມໂລກ. ພ້ອມດຽວກັນນັ້ນ ນາງຍັງກ່າວວ່າ, ອັຟການີສະຖານມີຄວາມຄືບໜ້າແບບຈຳກັດໃນບັນຫາຕ່າງໆ ເຊັ່ນ: ການຈັດຕັ້ງລັດຖະບານທີ່ປະກອບດ້ວຍຫຼາຍຝ່າຍ ແລະ ສິດແລະຜົນປະໂຫຍດຂອງແມ່ຍິງເປັນຕົ້ນ, ໄພຂົ່ມຂູ່ຈາກລັດທິກໍ່ການຮ້າຍຍັງມີຢູ່, ສະຖານະການມະນຸດສະທຳກໍ່ຍັງຂ້ຽວຂາດຫຼາຍ.
ຄຳເຫັນ
0