ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳຂອງວັນທີ 16 ພະຈິກນີ້, ທ່ານຫລີເຄີ້ສຽງ ນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມສົນທະນາພິເສດກັບນັກທຸລະກິດທົ່ວໂລກໃນເວທີປຶກສາຫາລືເສດຖະກິດໂລກຜ່ານທາງວິດີໂອ, ໂດຍມີນັກທຸລະກິດເກືອບ 400 ທ່ານທີ່ມາຈາກ 40 ກວ່າປະເທດເຂົ້າຮ່ວມ.
ທ່ານຫລີເຄີ້ສຽງກ່າວວ່າ: ປັດຈຸບັນ, ພະຍາດໂຄວິດ-19ໄດ້ແຜ່ລະບາດ ຫລາຍຮອບໃນທົ່ວໂລກ, ປັດໄຈທີ່ບໍ່ໝັ້ນທ່ຽງ ແລະບໍ່ແນ່ນອນໃນດ້ານການຟື້ນຟູຂອງເສດຖະກິດໂລກໄດ້ເພີ່ມຂຶ້ນ. ຈີນຍິນດີຮ່ວມກັບບັນດາຝ່າຍຮ່ວມມືກັນຕ້ານກັບພະຍາດໂຄວິດ-19, ເຮັດໃຫ້ຕ່ອງໂສ້ອຸດສາຫະກຳ ແລະຕ່ອງໂສ້ການສະໜອງມີຄວາມໝັ້ນທ່ຽງ ແລະສະດວກ, ເຮັດໃຫ້ການຄ້າ ແລະການລົງທຶນຫັນເປັນເສລີພາບ ແລະສະດວກຫລາຍຂຶ້ນກວ່າເກົ່າ, ເພີ່ມທະວີການປະສານງານດ້ານນະໂຍບາຍມະຫາພາກຂອງສາກົນ, ຊຸກຍູ້ໃຫ້ເສດຖະກິດໂລກຟື້ນຟູຢ່າງໝັ້ນທ່ຽງ.
ທ່ານຫລີເຄີ້ສຽງກ່າວຕື່ມວ່າ: ນັບແຕ່ຕົ້ນປີນີ້ເປັນຕົ້ນມາ, ສະພາບການດ້ານເສດຖະກິດໂດຍລວມຂອງຈີນສືບຕໍ່ມີທ່າອ່ຽງທີ່ຟື້ນຄືນ ແລະພັດທະນາ, ພ້ອມດຽວກັນນັ້ນ, ກໍຜະເຊີນກັບຄວາມກົດດັນອັນໃໝ່ທີ່ເຮັດໃຫ້ຈັງຫວະການເຕີບໂຕດ້ານເສດຖະກິດຫລຸດໜ້ອຍລົງເຊັ່ນກັນ. ໃນຖານະເປັນປະເທດພວມທະນາທີ່ໃຫຍ່ທີ່ສຸດໃນໂລກ, ສະພາບການພື້ນຖານທີ່ທີ່ເສດຖະກິດຈີນມີທ່ວງທ່າທີ່ດີເປັນເວລາໄລຍະຍາວນານນັ້ນບໍ່ມີການປ່ຽນແປງ. ການເປີດປະຕູສູ່ພາຍນອກແມ່ນນະໂຍບາຍພື້ນຖານແຫ່ງຊາດຈີນ, ພວກເຮົາຈະດຳເນີນການເປີດປະຕູສູ່ພາຍນອກໃຫ້ກວ້າງອອກຢ່າງເດັດດ່ຽວໜຽວແໜ້ນ, ຊຸກຍູ້ການຮ່ວມມືສາກົນ ແລະຍິນດີຕ້ອນຮັບວິສາຫະກິດປະເທດຕ່າງໆສືບຕໍ່ມາລົງທຶນຢູ່ ສປ ຈີນ.
ຄຳເຫັນ
0