ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ພະຈິກນີ້, ໃນເວລາເຂົ້າຮ່ວມກອງປະຊຸມຂອງກະຊວງການຕ່າງປະເທດຣັດເຊຍ, ທ່ານວະລາດີເມຍ ປູຕິນ ປະທານາທິບໍດີຣັດເຊຍກ່າວວ່າ, ປະເທດຝ່າຍຕາເວັນຕົກມີທ່າທີເປັນປໍລະປັກກັນອັນເດັ່ນຊັດຕໍ່ຣັດເຊຍ, ສະຫະພາບເອີລົບໄດ້ໃຊ້ວິທີຂວ້ຳບາດຢ່າງບໍ່ຢຸດຢັ້ງ, ນາໂຕໄດ້ທຳລາຍກົນໄກສົນທະນາທັງໝົດຢ່າງເປັນເຈົ້າການ ແລະ ຊຸກຍູ້ສິ່ງກໍ່ສ້າງການທະຫານຂອງຕົນໄປສູ່ເສັ້ນຊາຍແດນຣັດເຊຍຢ່າງບໍ່ຢຸດຢັ້ງ.
ນອກນີ້, ກ່ຽວກັບການພົວພັນຣັດເຊຍ-ອາເມຣິກາໃນປັດຈຸບັນ, ທ່ານປູຕິນໃຫ້ເຫັນວ່າ, ສາມາດເວົ້າໄດ້ວ່າ ການພົວພັນລະຫວ່າງຣັດເຊຍ ກັບ ອາເມຣິກາພວມຢູ່ໃນສະພາບທີ່ເຮັດໃຫ້ຄົນບໍ່ພໍໃຈ, ເຈົ້າໜ້າທີ່ການຕ່າງປະເທດຂອງສອງປະເທດລ້ວນແຕ່ໄດ້ພົບຄວາມຫຍຸ້ງຍາກຫຼາຍ, ຫຼັງຈາກຫຼຸດພະນັກງານໃຫ້ໜ້ອຍລົງແລ້ວສູຖານທູດຈິ່ງປະຕິບັດງານເປັນປົກກະຕິກໍ່ບໍ່ໄດ້, ຖ້າຢາກຂະຫຍາຍການພົວພັນລະຫວ່າງສອງປະເທດຢ່າງມີແຜນກໍ່ແຮງຍາກ. ນີ້ເປັນຜົນຮ້າຍຈາກການເດີນຕາມເສັ້ນທາງທ້າທາຍເກາະຜິດຂອງອາເມຣິກາ, ເຂົາເຈົ້າໄດ້ເລີ່ມປະຕິບັດຄຳສັ່ງເກືອດຫ້າມ ແລະ ຄວາມຈຳກັດຕໍ່ເຈົ້າໜ້າທີ່ການຕ່າງປະເທດຣັດເຊຍຢ່າງຂະໜາດໃຫຍ່ໃນເວລາ 5 ປີກ່ອນ,. ອາເມຣິກາຍັງໄດ້ອາຍັດຊັບສິນການຕ່າງປະເທດຂອງຣັດເຊຍ, ນີ້ໄດ້ລະເມີດກົດລະບຽບສາກົນທັງໝົດ.
ຄຳເຫັນ
0