ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ພະຈິກນີ້, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ສົນທະນາກັບທ່ານ ໂຢຊິມະຊະ ຮາຢາຊິ ລັດຖະມົນຕີກະຊວງການຕ່າງປະເທດຍີ່ປຸ່ນ ຜ່ານທາງໂທລະສັບ.
ທ່ານວາງຢີ້ກ່າວວ່າ: ຫວັງວ່າຝ່າຍຍີ່ປຸ່ນຈະບໍ່ປ່ຽນແປງຈຸດຢືນຂອງຕົນ, ບໍ່ຫັນກົງລໍ້ກັບຫລັງ ແລະບໍ່ກ້າວກ່າຍບັນຫາສຳຄັນ ເຊັ່ນ: ປະຫວັດສາດ, ໄຕ້ຫວັນ ແລະອື່ນໆ. ສອງຝ່າຍຄວນຮ່ວມກັນຊຸກຍູ້ການຮ່ວມມື ແລະຂະບວນການເຊື່ອງໂຍງເຂົ້າກັນ ຂອງພາກພື້ນອາຊີ.
ທ່ານວາງຢີ້ຊີ້ໃຫ້ເຫັນວ່າ: ຍີ່ປຸ່ນ ແລະອາເມຣິກາເປັນປະເທດພັນທະມິດ, ຈີນ ແລະຍີ່ປຸ່ນເປັນປະເທດບ້ານໃກ້ເຮືອນຄຽງທີ່ຍົກຍ້າຍອອກຈາກກັນບໍ່ໄດ້. ຫວັງວ່າຍີ່ປຸ່ນຈະສຸມໃສ່ຜົນປະໂຫຍດຂອງປະເທດຕົນ ແລະຜົນປະໂຫຍດຮ່ວມໃນພາກພື້ນ, ກຳນົດສາຍພົວພັນກັບຈີນ ແລະສາຍພົວພັນກັບອາເມຣິກາໃຫ້ດີ.
ທ່ານ ໂຢຊິມະຊະ ຮາຢາຊິກ່າວວ່າ: ຍີ່ປຸ່ນຍິນດີຮ່ວມກັບຈີນ, ປະຕິບັດຄວາມຮັບຮູ້ທີ່ເປັນເອກະພາບກັນຕ່າງໆ ເຊັ່ນ: ບໍ່ເປັນໄພຂົ່ມຂູ່ຕໍ່ກັນ.
ຄຳເຫັນ
0