ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ພະຈິກນີ້, ສື່ມວນຊົນເບລາຣຸຊີລາຍງານວ່າ:ປະຈຸບັນ, ຢູ່ໃນແດນມີຊາວອົບພະຍົບປະມານ 7000 ຄົນ, ຊາວອົບພະຍົບສ່ວນຫລາຍທີ່ສຸດທີ່ຕົກຄ້າງໃນປະເທດຕົນ ແລະເຂດຊາຍແດນປະເທດສະຫະພາບເອີຣົບໄດ້ປະຕິເສດຖືກສົ່ງຄືນປະເທດຂອງຕົນ, ທັງຮຽກຮ້ອງໃຫ້ສະໜອງແລວທາງມະນຸດສະທຳເພື່ອໄປປະເທດເອີຣົບຕາເວັນຕົກ.
ຫວ່າງມໍ່ໆມານີ້, ຊາວອົບພະຍົບຫລາຍພົນຄົນຫວັງຢາກເຂົ້າສູ່ປະເທດສະຫະພາບເອີຣົບ ເຊັ່ນ: ໂປໂລຍເປັນຕົ້ນ ຈາກປະເທດເບລາຣຸຊີ, ແຕ່ປະເທດໂປໂລຍ ແລະປະເທດອື່ນໆໄດ້ເພີ່ມທະວີການຄວບຄຸມເຂດຊາຍແດນ, ເພື່ອປ້ອງກັນການຂ້າມຊາຍແດນຢ່າງຜິດກົດໝາຍ, ເຊິ່ງເຮັດໃຫ້ຊາວອົບພະຍົບຈຳນວນຫລວງຫລາຍໄດ້ຕົກຄ້າງຢູ່ເຂດຊາຍແດນ. ປະເທດໂປໂລຍ ແລະປະເທດອື່ນໆໄດ້ຕຳໜິປະເທດເບລາຣຸຊີກໍ່ວິກິດການຊາວອົບພະຍົບຄັ້ງນີ້, ເພື່ອແກ້ແຄ້ນຕໍ່ສະຫະພາບເອີຣົບທີ່ຂວ້ຳບາດເບລາຣຸຊີໃນກ່ອນໜ້ານີ້. ແຕ່ປະເທດເບລາຣຸຊີກ່າວວ່າ: ການຂວ້ຳບາດເຮັດໃຫ້ປະເທດຂອງຕົນບໍ່ສາມາດຄວບຄຸມຊາວອົບພະຍົບເຂົ້າສູ່ປະເທດຕົນໄດ້.
ຄຳເຫັນ
0