ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວປະຈຳທີ່ຈັດຂຶ້ນໃນວັນທີ19ພະຈິກນີ້,ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ແນະນຳສະພາບການກ່ຽວກັບກອງປະຊຸມສຸດຍອດລະນຶກວັນສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ30ປີທີ່ໃກ້ຈະຈັດຂຶ້ນນັ້ນໂດຍກ່າວວ່າ: ທ່ານປະທານສີຈິ້ນຜິງຈະຮ່ວມກັບຜູ້ນຳບັນດາປະເທດອາຊຽນສະຫຼຸບຜົນງານແລະບົດຮຽນໃນການຂະຫຍາຍການພົວພັນຈີນ-ອາຊຽນໃນ30ປີທີ່ຜ່ານມາ ເພື່ອຊີ້ທິດພາທາງໃຫ້ແກ່ການພົວພັນສອງຝ່າຍ.
ທ່ານຈ້າວລີ້ຈ່ຽນກ່າວວ່າ: ອາຊຽນເປັນປະເທດໃກ້ຄຽງແລະເປັນຄູ່ຮ່ວມມືທີ່ສຳຄັນຂອງຈີນ. ນັບແຕ່ໄດ້ສ້າງຕັ້ງສາຍພົວພັນຄູ່ເຈລະຈາເມື່ອປີ1991ເປັນຕົ້ນມາ,ການພົວພັນສອງຝ່າຍໄດ້ຂະຫຍາຍໄປໜ້າຢ່າງວ່ອງໄວ,ໄດ້ກາຍເປັນຄູ່ການຄ້າທີ່ມີຂະໜາດໃຫຍ່ກວ່າໝູ່ ເປັນຄູ່ຮ່ວມມືທີ່ມີພະລັງຊີວິດຫຼາຍກວ່າໝູ່ ແລະເປັນຄູ່ຍຸດທະສາດທີ່ມີເນື້ອໃນກວ້າງຂວາງກວ່າໝູ່ເຊິ່ງກັນແລະກັນ. ເນື່ອງໃນໂອກາດການລະນຶກວັນສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ30ປີ,ສອງຝ່າຍຕົກລົງຈັດກອງປະຊຸມສຸດຍອດທີ່ລະນຶກຄັ້ງນີ້,ໄດ້ສະແດງໃຫ້ເຫັນອີກເທື່ອໜຶ່ງເຖິງການໃຫ້ຄວາມສຳຄັນຢ່າງສູງຕໍ່ການພົວພັນຂອງກັນແລະກັນ. ຈີນຄອງຄອຍຮ່ວມກັນກັບບັນດາປະເທດໃນອາຊຽນ,ສືບຕໍ່ເກາະແຂນຮ່ວມມືກັນ,ເພື່ອສ້າງປະຊາຄົມຮ່ວມຊາຕາກຳຈີນ-ອາຊຽນທີ່ແໜ້ນແຟ້ນກວ່າເກົ່າ,ຊຸກຍູ້ສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນນີ້.
ຄຳເຫັນ
0