ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ພະຈິກນີ້, ເວທີປຶກສາຫາລືຄັງປັນຍາຈີນ+5ປະເທດອາຊີກາງຄັ້ງທຳອິດໄດ້ຈັດຂຶ້ນຢູ່ນະຄອນຫລວງປັກກິ່ງ, ໂດຍໄດ້ສຸມໃສ່ຫົວຂໍ້ “ສະພາບການໃໝ່ໃນອັຟການີສະຖານ ກັບຄວາມໝັ້ນຄົງ ແລະການພັດທະນາຂອງອາຊີກາງ”, ເຈົ້າໜ້າທີ່ການຕ່າງປະເທດ ແລະຜູ້ຕາງໜ້າຂອງ ຄັງປັນຍາທີ່ມາຈາກຈີນ ແລະ5 ປະເທດອາຊີກາງໄດ້ເຂົ້າຮ່ວມເວທີປຶກສາຫາລືດັ່ງກ່າວໂດຍຜ່ານຮູບແບບອອນລາຍ ແລະອອຟລາຍ.
ທ່ານເລີ້ຢວີ້ເຊີງ ຮອງລັດຖະມົນຕີກະຊວງການຕ່າງປະເທດຈີນໄດ້ກ່າວຢູ່ກອງປະຊຸມວ່າ: ບົດຮຽນທາງລົບຂອງການປ່ຽນແປງໃນອັຟການີສະຖານມີຄວາມເລິກເຊິ່ງຫລາຍ, ໂດຍໄດ້ຢັ້ງຢືນໃຫ້ເຫັນເຖິງອີກຄັ້ງໜຶ່ງວ່າ: ການແຊກແຊງດ້ວຍກຳລັງອາວຸດ ແລະການໃຊ້ການເມືອງແບບເຈົ້າອຳນາດແມ່ນບໍ່ໄດ້ຜົນ.
ຜູ້ເຂົ້າຮ່ວມເວທີປຶກສາຫາລືດັ່ງກ່າວກ່າວວ່າ: ປັດຈຸບັນ, ອັຟການີສະຖານໄດ້ຜະເຊີນກັບສິ່ງທ້າທາຍຕ່າງໆ ເຊັ່ນ: ມະນຸດສະທຳ, ເສດຖະກິດ, ການຕໍ່ຕ້ານການກໍ່ການຮ້າຍ, ການເມືອງ ແລະອື່ນໆ, ການບັນລຸສັນຕິພາບ ແລະການສ້າງສາຄືນໃໝ່ແມ່ນເສັ້ນທາງທີ່ຫຍຸ້ງຍາກ ແລະຍາວໄກ. ອັຟການີສະຖານແມ່ນປະເທດບ້ານໃກ້ເຮືອນຄຽງຂອງຈີນ ແລະປະເທດອາຊີກາງ, ຈີນ ແລະປະເທດອາຊີກາງຄວນເພີ່ມທະວີຄວາມສາມັກຄີ ແລະການຮ່ວມມື, ຮ່ວມກັນສະໜັບສະໜູນໃຫ້ອັຟການີສະຖານເດີນຕາມເສັ້ນທາງສັນຕິພາບ, ສະຖຽນລະພາບ ແລະການພັດທະນາ.
ຄຳເຫັນ
0