ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວັບໄຊຂ່າວສານຟອຄສ໌ຂອງອາເມຣິກາລາຍງານໃນວັນທີ 19 ພະຈິກນີ້ວ່າ: ພາຍໃຕ້ສະພາບການແຜ່ລະບາດຂອງພະຍາດໂຄວິດ-19, ພະນັກງານການແພດອາເມຣິກາຈຳນວນຫລວງຫລາຍໄດ້ລາອອກໜ້າວຽກ. ນັບແຕ່ເດືອນກຸມພາປີ 2020 ເປັນຕົ້ນມາ, ໃນຂະແໜງການການແພດ ແລະສາທາລະນະສຸກອາເມຣິກາໄດ້ມີປະມານ 5 ແສນຄົນລາອອກໜ້າວຽກແລ້ວ.
ຕາມຂ່າວລາຍງານວ່າ: ໄລຍະເລີ່ມຕົ້ນຂອງການສັກວັກຊີນໄດ້ນຳເອົາຄວາມຫວັງທີ່ການແຜ່ລະບາດຂອງພະຍາດໂຄວິດ-19ຈະສິ້ນສຸດລົງໃຫ້ແກ່ປະຊາຊົນ, ແຕ່ຄຽງຄູ່ກັບໄວຣັດພະຍາດໂຄວິດ-19ກາຍພັນ “ເດວຕາ” ໄດ້ແຜ່ລະບາດຢ່າງຮ້າຍແຮງ, ບວກກັບປະກາດການຜ່ອນຜັນລັດຖະດຳລັດທີ່ໃຫ້ໃສ່ຜ້າປິກປາກໄວເກີນໄປ, ອັດຕາການສັກວັນຊີນບໍ່ມີຄວາມຄືບໜ້າ, ຄວາມຫວັງໃນກ່ອນໜ້ານີ້ໄດ້ແຕກສະຫລາຍຢ່າງໄວວາ, ໂຮງໝໍກໍຜະເຊີນກັບຄວາມກົດດັນອັນໜັກໜ່ວງອີກຄັ້ງໃໝ່. ພະນັກງານການແພດຫລາຍຄົນກ່າວວ່າ: ສາເຫດທີ່ເຂົາເຈົ້າລາອອກບໍ່ແມ່ນບໍ່ຢາກຕໍ່ຕ້ານກັບພະຍາດໂຄວິດ-19, ຫາກແມ່ນຍ້ອນບໍ່ພໍໃຈຕໍ່ມາດຕະການຮັບມືກັບພະຍາດໂຄວິດ-19ຂອງອົງການການແພດຂອງຕົນ, ເຂົາເຈົ້າຈຳເປັນຕ້ອງໄດ້ເຮັດວຽກພາຍໃຕ້ເງື່ອນໄຂຫຍຸ້ງຍາກລຳບາກ, ທັງບໍ່ມີສິດປະກອບຄຳເຫັນ.
ຄຳເຫັນ
0