ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ພະຈິກນີ້, ຄະນະຜູ້ຕາງໜ້າຖາວອນຂອງຈີນປະຈຳເຊີແນວ ແລະ ຄະນະຜູ້ຕາງໜ້າຖາວອນຂອງຣັດເຊຍປະຈຳເຊີແນວ ໄດ້ຮ່ວມກັນໄຂກອງປະຊຸມສຳມະນາອອນລາຍກ່ຽວກັບບັນຫາປະຊາທິປະໄຕ ແລະ ສິດທິມະນຸດ. ຜູ້ຕາງໜ້າຖາວອນ ແລະ ເຈົ້າໜ້າທີ່ການຕ່າງປະເທດຂັ້ນສູງຈາກ 50 ກວ່າປະເທດປະຈຳເຊີແນວ, ຜູ້ຕາງໜ້າອົງການທີ່ບໍ່ຂຶ້ນກັບລັດຖະບານ, ນັກວິຊາການ ແລະ ນັກຂ່າວ 130 ກວ່າຄົນໄດ້ເຂົ້າຮ່ວມ.
ທ່ານ ຫຼີຊົ່ງ ອຸປະທູດຊົ່ວຄາວຂອງຄະນະຜູ້ຕາງໜ້າຖາວອນຈີນປະຈຳເຊີແນວ ໄດ້ປະກອບຄຳຄິດເຫັນໃນກອງປະຊຸມວ່າ, ບໍ່ວ່າຈະໃຊ້ຮູບແບບໃດກໍຕາມ, ການທີ່ປະຊາຊົນເປັນເຈົ້າຂອງປະເທດນັ້ນ ຈຶ່ງແມ່ນປະຊາທິປະໄຕອັນແທ້ງຈິງ; ມີແຕ່ຖືປະຊາຊົນເປັນໃຈກາງເທົ່ານັ້ນ ຈຶ່ງສາຈະສາມາດບັນລຸສິດທິມະນຸດຢ່າງຮອບດ້ານໄດ້. ຖ້າຫາກປັດປ່າຍປະຊາທິປະໄຕໃນຮູບແບບທີ່ຕ່າງກັບຕົນເອງ, ເລື່ອງນີ້ເອງກໍແມ່ນບໍ່ມີປະຊາທິປະໄຕ. ການທີ່ແຊກແຊງວຽກງານພາຍໃນຂອງປະເທດອື່ນ ແລະ ກໍ່ການເປັນປໍລະປັກກັນ ດ້ວຍຂໍ້ອ້າງປະຊາທິປະໄຕ ແລະ ມະນຸດສະທຳນັ້ນ ມີແຕ່ຈະພາໃຫ້ເກີດມີການປັ່ນປ່ວນ ຕະຫຼອດຮອດໄພພິບັດ.
ທ່ານ ກາຕີລົຟ ຜູ້ຕາງໜ້າຖາວອນຂອງຣັດເຊຍປະຈຳເຊີແນວ ກ່າວວ່າ, ໃນຂະບວນການສະແຫວງຫາປະຊາທິປະໄຕ ແລະ ມະນຸດສະທຳ, ຄວນພິຈາລະນາເຖິງຈຸດພິເສດດ້ານວັດທະນະທຳ ມາດຖານດ້ານຄຸນສົມບັດ ແລະ ຄ່ານິຍົມອັນເປັນມູນເຊື້ອທາງສັງຄົມທີ່ແຕກຕ່າງກັນ. ບາງປະເທດທີ່ເອີ້ນຕົນວ່າ ເປັນ “ປ້ອມຍາມປ້ອງກັນປະຊາທິປະໄຕ” ໄດ້ຮັກສາແນວຄິດສົງຄາມເຢັນ, ເຈຕະນາຢາກຂີດແບ່ງປະເທດດ້ວຍ “ມາດຖານປະຊາທິປະໄຕ” ຂອງຕົນ, ທັງນີ້ໄດ້ເຮັດໃຫ້ຄວາມເຫັນຂັດກັນລະຫວ່າງປະເທດເລິກເຊິ່ງກວ່າເກົ່າຕື່ມອີກ ເຊິ່ງແມ່ນເລື່ອງທີ່ບໍ່ຄວນເຮັດທັງນັ້ນ.
ຄຳເຫັນ
0