ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ພະຈິກນີ້, ໂດຍຕະສະໜອງຕາມຄຳເຊີນ, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວຄຳປາໄສທີ່ພາດຫົວຂໍ້ວ່າ “ຄັດຄ້ານການແບ່ງແຍກດ້ວຍຄວາມສາມັກຄີ, ພ້ອມກັນຊຸກຍູ້ການພັດທະນາດ້ວຍການຮ່ວມມື” ດ້ວຍຮູບແບບຜ່ານທາງວີດີໂອໃນກອງປະຊຸມຄັງປັນຍາທົ່ວໂລກທີ່ມີຫົວຂໍ້ວ່າ “ການຄຸ້ມຄອງແລະຄວບຄຸມການແຂ່ງຂັນ, ຂໍ້ຂັດແຍ້ງ ແລະ ການຮ່ວມມືສະພາບການແຜ່ລະບາດຂອງພະຍາດໂຄວິດ-19.
ທ່ານວາງຢີ້ກ່າວວ່າ, ພະຍາດໂຄວິດ-19 ຍັງແຜ່ລະບາດຢ່າງຮ້າຍແຮງຢູ່, ໂລກຍັງບໍ່ມີຄວາມສະຫງົບ, ປະເທດຕ່າງໆຄວນຮ່ວມມືກັນ, ຕ້ອງຍຶດໝັ້ນຄັດຄ້ານການແບ່ງແຍກດ້ວຍຄວາມສາມັກຄີ, ຕ້ອງຍຶດໝັ້ນໃນແນວຄວາມຄິດທີ່ “ການໄດ້ຮັບຜົນປະໂຫຍດຮ່ວມກັນ” ເຂົ້າແທນແນວຄວາມຄິດທີ່ “ເຈົ້າໄດ້ຂ້ອຍເສຍ”, ຕ້ອງຍຶດໝັ້ນຊຸກຍູ້ການພັດທະນາດ້ວຍການຮ່ວມມື ແລະ ຕ້ອງຍຶດຄຸ້ມຄອງ ແລະ ໝັ້ນຄວບຄຸມຂໍ້ຂັດແຍ້ງດ້ວຍການສົນທະນາ.
ທ່ານວາງຢີ້ກ່າວຕື່ມວ່າ, ວັນທີ 16 ພະຈິກນີ້, ທ່ານປະທານສີຈີ້ນຜິງ ກັບ ທ່ານປະທານາທິບໍດີໂຈ ໄບເດັນໄດ້ພົບປະກັນດ້ວຍຮູບແບບຜ່ານທາງວິດີໂອ. ພວກຂ້າພະເຈົ້າຫວັງວ່າຝ່າຍອາເມຣິກາຈະປະຕິບັດຕາມຄວາມເວົ້າຂອງຕົນ, ຈັດຕັ້ງປະຕິບັດຕາມຄຳເວົ້າທີ່ສຳຄັນຂອງຕົນ ເຊັ່ນ: ບໍ່ກໍ່ “ສົງຄາມເຢັນຄັ້ງໃໝ່”, ບໍ່ກໍ່ການປະທະກັນ, ບໍ່ກຳທຳໃນຮູບແບບການເປັນປໍລະປັກກັນ,ບໍ່ສະໜັບສະໜູນອິດທິກຳລັງແບ່ງແຍກໄຕ້ຫວັນເປັນຕົ້ນໃນນະໂຍບາຍທີ່ເປັນຮູບປະທຳ ແລະ ການກະທຳຕ່າງໆຂອງຕົນ, ເຮັດແນກນີ້ແລ້ວ ຈິ່ງຈະສາມາດເຮັດໃຫ້ສາຍພົວພັນລະຫວ່າງຈີນ ກັບ ອາເມຣິກາຂະຫຍາຍຕົວຢ່າງໜັກແໜ້ນຖາວອນ.
ກອງປະຊຸມຄັງປັນຍາທົ່ວໂລກຄັ້ງນີ້ຈັດໂດຍສະມາຄົມນະໂຍບາຍການຕ່າງປະເທດຂອງອິນໂດເນເຊຍ ດ້ວຍຮູບແບບຜ່ານທາງວິດີໂອ.
ຄຳເຫັນ
0