ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພະຈິກນີ້ຕາມເວລາທ້ອງຖິ່ນ, ໃນເວລາໃຫ້ສຳພາດຕໍ່ສະຖານີວິທະຍຸໂທລະພາບສູນກາງຈີນ ຫຼື CMG, ທ່ານອາມິວ ຄານ ມຸດຕາກີ ຮັກສາການລັດຖະມົນຕີກະຊວງການຕ່າງປະເທດຂອງລັດຖະບານຊົ່ວຄາວຂອງ ອັຟການິສະຖານ ກ່າວວ່າ, ລັດຖະບານຊົ່ວຄາວປະເທດຕົນ ພວມສຸມກຳລັງເຂົ້າໃນການຮັກສາຄວາມໝັ້ນຄົງແລະສະຖຽນລະພາບພາຍໃນປະເທດ, ປັບປຸງຊີວິດການເປັນຢູ່ຂອງປະຊາຊົນແລະພັດທະນາເສດຖະກິດພາຍໃນປະເທດ, ອັຟການີສະຖານ ຫວັງຢາກເພີ່ມທະວີການໄປມາຫາສູ່ກັນດ້ານການຄ້າກັບຈີນ, ສ້າງສາຍພົວພັນທີ່ມິດຕະພາບກັບຈີນແລະປະເທດຕ່າງໆໃນໂລກ ບົນພື້ນຖານທີ່ເຄົາລົບນັບຖືເຊິ່ງກັນແລະກັນ.
ອົງການອາຫານແລະການກະເສດຂອງ ສປຊ ຫຼື FAO ແລະອົງການອາຫານໂລກ ຫຼື WFP ໄດ້ເຜີຍແຜ່ບົດລາຍງານໃນຫວ່າງມໍ່ໆມານີ້ ໂດຍສະແດງໃຫ້ເຫັນວ່າ, ປະຊາຊົນອັຟການິສະຖານ ກາຍເຄິ່ງໜຶ່ງ ກຳລັງປະເຊີນໜ້າກັບໄພອຶດຫິວຢ່າງໜັກໜ່ວງທີ່ບໍ່ເຄີຍມີມາກ່ອນ, ຄອບຄົວ 95% ກິນບໍ່ອີ່ມ. ສະຖິຕິຂອງກອງທຶນເພື່ອເດັກນ້ອຍຂອງ ສປຊ ຫຼື UNICEF ສະແດງໃຫ້ເຫັນວ່າ, ເມື່ອຮອດທ້າຍປີ 2021, ອັຟການິສະຖານຈະມີເດັກນ້ອຍທີ່ອາຍຸຕ່ຳກວ່າ 5 ປີຈຳນວນ 3.200.000 ຄົນຂາດທາດບຳລຸງຢ່າງໜັກໜ່ວງ, ຖ້າບໍ່ໃຊ້ການເຄື່ອນໄຫວໃນທັນທີ, ອາດຈະມີເດັກນ້ອຍ 1.000.000 ຄົນເສຍຊີວິດ. ທ່ານມູຕາກີ ຮຽກຮ້ອງໃຫ້ອາເມຣິກາຈົ່ງຍົກເລີກການອະຍັດຊັບສິນອັຟການິສະຖານໂດຍໄວ, ເພື່ອຊ່ວຍເຫຼືອອັຟການິສະຖານ ຫຼຸດພົ້ນອອກຈາກຄວາມຫຍຸ້ງຍາກດ້ານເສດຖະກິດແລະດ້ານຊີວິດການເປັນຢູ່ຂອງປະຊາຊົນໃນປັດຈຸບັນ.
ຄຳເຫັນ
0