ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ພະຈິກນີ້ຕາມເວລາທ້ອງຖິ່ນ, ທ້າວຄາຍ ຣິດເຕນຮາວສ ຈຳເລີຍໃນຄະດີຍິງປືນທີ່ເກີດຂຶ້ນຢູ່ເມືອງເຄໂນຊາຂອງອາເມຣິກາ ຖືກສານຕັດສິນວ່າ: ບໍ່ມີໂທດຫຍັງ ແລະ ສານໄດ້ປ່ອຍຕົວທ້າວຄາຍ ຣິດເຕນຮາວສ. ການຕັດສິນຄະດີດັ່ງກ່າວໄດ້ເຮັດໃຫ້ປະຊາຊົນຫຼາຍທ້ອງຖິ່ນຢູ່ອາເມຣິກາເດີນຂະບວນປະທ້ວງ, ຈົນເຮັດໃຫ້ການປະທ້ວງຢູ່ນະຄອນປອດແລນລັດອໍຣີກອນຂອງອາເມຣິກາກາຍເປັນເຫດການຈະລາຈົນ.
ເດືອນສິງຫາປີ 2020, ເຈົ້າໜ້າທີ່ຕຳຫຼວດເມືອງເຄໂນຊາຂອງອາເມຣິກາກໍໄດ້ຍິງປືນໃສ່ທ້າວຈາຄອບ ແບັລກ ຜູ້ຊາຍຜິວດຳ ເຊິ່ງເຮັດໃຫ້ເກີດມີການເດີນຂະບວນປະທ້ວງຢູ່ທ້ອງຖິ່ນເຊັ່ນກັນ. ສ່ວນທ້າວຄາຍ ຣິດເຕນຮາວສ ອາຍຸ 17 ປີ ໃນເວລານັ້ນ ກໍໄດ້ຍິງປືນໃສ່ຜູ້ເດີນຂະບວນປະທ້ວງໃນວັນທີ 25 ສິງຫາປີດຽວກັນ ເຊິ່ງໄດ້ເຮັດໃຫ້ມີຜູ້ເສຍຊີວິດ 2 ຄົນ ແລະ 1 ຄົນໄດ້ຮັບບາດເຈັບ.
ຄຳເຫັນ
0