ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 22 ພະຈິກນີ້, ທ່ານ ອິສມາອິນ ຊາບຣີ ນາຍົກລັດຖະມົນຕີມາເລເຊຍ ໄດ້ນຳພາຄະນະຜູ້ແທນປະເທດຕົນເຂົ້າຮ່ວມພິທີສະເຫຼີມສະຫຼອງການສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ 30 ປີຜ່ານທາງວິດີໂອ.
ໃນເວລາປະກອບຄຳຄິດເຫັນ, ທ່ານ ອິສມາອິນ ຊາບຣີ ກ່າວວ່າ, ເມື່ອ 30 ປີກ່ອນ ພາຍຫຼັງໄດ້ປຶກສາຫາລືກັບປະເທດສະມາຊິກອື່ນໆຂອງອາຊຽນແລ້ວ, ມາເລເຊຍໄດ້ຕົກລົງໃຫ້ລັດຖະບານປະເທດຕົນເຊື້ອເຊີນປະເທດຈີນເຂົ້າຮ່ວມກອງປະຊຸມຂັ້ນລັດຖະມົນຕີອາຊຽນຄັ້ງທີ 24 ທີ່ຈັດຂຶ້ນຢູ່ນະຄອນຫຼວງກົວລາລຳເປີເມື່ອປີ 1991, ຄວາມຈິງໄດ້ຢັ້ງຢືນໃຫ້ເຫັນວ່າ, ນີ້ແມ່ນການຕັດສິນໃຈທີ່ສະຫຼາດ, ນັບແຕ່ເວລານັ້ນເປັນຕົ້ນມາ, ສາຍພົວພັນລະຫວ່າງອາຊຽນກັບຈີນ ໄດ້ຂະຫຍາຍຕົວເປັນສາຍພົວພັນທີ່ເລິກເຊິ່ງ ແລະ ກວ້າງຂວາງ.
ທ່ານ ອິສມາອິນ ຊາບຣີ ໄດ້ກ່າວຕື່ມວ່າ: ມາເລເຊຍຍ້ອງຍໍ ຕໍ່ປະເທດຈີນຢ່າງສູງ ທີ່ໄດ້ເສີມຂະຫຍາຍບົດບາດໃນການຊຸກຍູ້ສາຍພົວພັນຄູ່ເຈລະຈາກັບອາຊຽນ ພ້ອມດ້ວຍການສະໜັບສະໜູນຖານະໃຈກາງ ແລະ ການກໍ່ສ້າງປະຊາຄົມອາຊຽນ. ທ່ານຍັງກ່າວວ່າ: “ຂ້າພະເຈົ້າຂໍສະແດງຄວາມຊົມເຊີຍຕໍ່ການທີ່ຍົກລະດັບສາຍພົວພັນຄູ່ເຈລະຈາໃຫ້ສູງຂຶ້ນເປັນສາຍພົວພັນຄູ່ຮ່ວມຍຸດທະສາດຮອບດ້ານ.”
ຄຳເຫັນ
0