ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 22 ພະຈິກນີ້ຕາມເວລາທ້ອງຖິ່ນ, ຄະນະຜູ້ແທນອົງການພະລັງງານປະລະມານູສາກົນ ທີ່ນຳໂດຍທ່ານຣາຟາເອວ ໂກຣຊີ ຜູ້ອຳນວຍການໃຫຍ່ອົງການດັ່ງກ່າວໄດ້ເດີນທາງໄປເຖິງນະຄອນຫຼວງເຕເຮຣານປະເທດອີຣານແລ້ວ. ວັນທີ 23 ພະຈິກນີ້, ທ່ານຣາຟາເອວ ໂກຣຊີ ຈະພົບປະເຈລະຈາກັບທ່ານຮອດຊີນ ອາເມຍ ອັບໂດລາຮຽນ ແລະ ທ່ານໂມຮາມັດ ອີສລາມີ ປະທານອົງການພະລັງງານປະລະມານູອີຣານ.
ຕາມຂ່າວສານຕາສນິມຂອງອີຣານລາຍງານວ່າ: ການສ້າງຂອບການຮ່ວມມືທີ່ຈະແຈ້ງລະຫວ່າງອົງການພະລັງງານປະລະມານູອີຣານ ແລະ ອົງການພະລັງງານປະລະມານູສາກົນ ແມ່ນໜຶ່ງໃນຫົວຂໍ້ສຳຄັນໃນການເຈລະຈາຄັ້ງນີ້. ຍ້ອນວ່າການເຈລະຈາກ່ຽວກັບສັນຍານິວເຄຼຍອີຣານທີ່ນະຄອນວຽນຈະເປີດການເຈລະຈາຄືນໃໝ່ໃນວັນທີ 29 ພະຈິກນີ້, ສະນັ້ນ, ການຢ້ຽມຢາມຂອງທ່ານຣາຟາເອວ ໂກຣຊີຄັ້ງນີ້ກໍໄດ້ຮັບຄວາມສົນໃຈຈາກວົງການຕ່າງໆ.
ຄຳເຫັນ
0