ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວັບໄຊກະຊວງການຕ່າງປະເທດຝຣັ່ງໄດ້ແຈ້ງຂ່າວວ່າ: ກະຊວງການຕ່າງປະເທດຝຣັ່ງໄດ້ຕອບການສອບຖາມກ່ຽວກັບສັນຍາໄລຍະທີ 1 ກ່ຽວກັບອາເມຣິກາແລະອົສຕຣາລີເລີ່ມກໍ່ສ້າງເຮືອດຳນ້ຳພະລັງງານນິວເຄຼຍ ໂດຍກ່າວວ່າ: ຄືກັນກັບຄຳເວົ້າຂອງລັດຖະມົນຕີກະຊວງການຕ່າງປະເທດຝຣັ່ງ, ຝຣັ່ງໄດ້ປະຕິບັດຕາມສັນຍາທີ່ກ່ຽວຂ້ອງຢ່າງສຸຂຸມຮອບຄອບ ແລະ ຈະ ປົກປ້ອງຜົນປະໂຫຍດຂອງຕົນຢ່າງເດັດດ່ຽວ.
ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກໍໄດ້ກ່າວເນັ້ນໜັກໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 24 ພະຈິກນີ້ວ່າ: ການຮ່ວມມືກ່ຽວກັບການສ້າງດຳນ້ຳພະລັງງານນິວເຄຼຍລະຫວ່າງອາເມຣິກາ, ອັງກິດ ແລະ ອົສຕຣາລີ ບໍ່ພຽງແຕ່ແມ່ນວຽກງານລະຫວ່າງປະເທດສ່ວນໜ້ອຍເທົ່ານັ້ນ ແລະ ກໍບໍ່ພຽງແຕ່ຈະທຳລາຍຜົນປະໂຫຍດຂອງຝ່າຍໃດຝ່າຍໜຶ່ງເທົ່ານັ້ນ, ການຮ່ວມມືດັ່ງກ່າວອາດຈະເກີດມີຜົນຮ້າຍຢ້ອນຫຼັງທີ່ໜັກໜ໋ວງ ເຊິ່ງຈະເປັນໄພຂົ່ມຂູ່ຕໍ່ພາກພື້ນ ກໍຄືທົ່ວໂລກ.
ທ່ານຈ້າວລີ້ຈ່ຽນກ່າວຕື່ມວ່າ: “ປະຊາຄົມໂລກເຫັນໂດຍທົ່ວໄປວ່າ: ອາເມຣິກາ, ອັງກິດ ແລະ ອົສຕຣາລີຄວນປະຖິ້ມແນວຄວາມຄິດສົງຄາມເຢັນ ແລະ ທັດສະນະການເມືອງພູມີພາກທີ່ຄັບແຄບ, ເດີນໄປຕາມກະແສຂອງຍຸກສະໄໝແຫ່ງສັນຕິພາບແລະການພັດທະນາ, ຢຸດຕິການກະທຳສ້າງກຸ່ມກ້ອນ, ປະເທດທີ່ກ່ຽວຂ້ອງຄວນປະຕິບັດຕາມພັນທະສາກົນຂອງຕົນທີ່ບໍ່ແຜ່ຜາຍອາວຸດນິວເຄຼຍຢ່າງແທ້ຈິງ, ປົກປັກຮັກສາສັນຕິພາບແລະສະຖຽນລະພາບຂອງພາກພື້ນຢ່າງແທ້ຈິງ, ຍົກເລີກການຕັດສິນໃຈທີ່ກ່ຽວຂ້ອງທີ່ຜິດພາດ ເພື່ອໃຫ້ຄຳຕອບແກ່ປະຊາຄົມໂລກ ດ້ວຍຈິດໃຈທີ່ມີຄວາມຮັບຜິດຊອບ.
ຄຳເຫັນ
0