ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ລາຍການແຂ່ງຂັນສະກີຄວາມໄວໄລຍະສັ້ນເປັນລາຍການແຂ່ງຂັນເທິງນ້ຳກ້ອນ ເພື່ອທົດສອບສະມັດຕະພາບທາງຮ່າງກາຍ, ຄວາມໄວ ແລະ ກຳລັງກາຍຂອງນັກກິລາ ພ້ອມທັງການປະສົມປະສານເປັນໜຶ່ງດຽວຂອງທີມກິລາ, ຖືໄດ້ວ່າເປັນລາຍການແຂ່ງ “ຄວາມໄວ ແລະ ຄວາມກະຕືລືລົ້ນ” ຂອງນັກກິລາເທິງນ້ຳກ້ອນ.
ຢູ່ສອງສົ້ນຂອງເລນແຂ່ງຂັນຕ່າງກໍໄດ້ຕັ້ງເຄື່ອງໝາຍຢາງສີດຳ 7 ອັນ. ອີງຕາມກະຕິກາການແຂ່ງຂັນ, ນັກກິລາຕ້ອງແຂ່ງຂັນກັນຢູ່ທາງນອກຂອງເຄື່ອງໝາຍຢາງດຳ 7 ອັນນີ້. ແຕ່ຖ້ານັກກິລາໃຊ້ມືຄ້ຳໜ້ານ້ຳກ້ອນເພື່ອຮັກສາຄວາມດຸນດ່ຽງຂອງຮ່າງກາຍ, ນັກກິລາສາມາດໃຊ້ມືຄ້ຳຢູ່ໃນຂອບເຂດດ້ານໃນຂອງເຄື່ອງໝາຍຢ່າງດຳ 7 ອັນດັ່ງກ່າວໄດ້.
ໃນເວລາເລີ່ມການແຂ່ງຂັນ, ນັກກິລາຫຼາຍຄົນຈະເລີ່ມແລ່ນອອກໄປພ້ອມກັນ ແລະ ສາມາດແຊງຄູ່ແຂ່ງໄດ້ໃນທຸກເວລາ. ແຕ່ຖ້າເກີດມີການຕຳກັນ, ໃຊ້ຕີນຂວາງຄູ່ແຂ່ງ, ດຶງ ຫຼືຊຸກຄູ່ແຂ່ງນັ້ນ, ຈະຖືກລົງໂທດໃຫ້ສະຫຼະສິດເຂົ້າຮ່ວມການແຂ່ງຂັນ.
ຄຳເຫັນ
0