尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຈີນ​ຫວັງ​ວ່າ​ປະ​ເທດ​ທີ່​ກ່ຽວ​ຂ້ອງ​ຈະ​ຕີ​ລາ​ຄາ​ການ​ຮ່ວມ​ມື​ຈີນ-ອາ​ຟ​ຣິ​ກາ​ຢ່າງ​ຍຸ​ຕິ​ທຳ​ແລະ​ພາ​ວະ​ວິ​ໄສ

2021-11-26 11:13:25 cri

      ຂ່າວລາຍ​ງານ​ວ່າ: ຫວ່າງ​ມໍ່ໆ​ມາ​ນີ້, ທ່ານ ຊອງ​ອີ​ຟ ເລີ ດ​ຣິ​ຢອງ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຝ​ຣັ່ງ​ໄດ້​​ໃຫ້​ສຳ​ພາດ​ຕໍ່​ສື່ມວນ​ຊົນ​ຝ​ຣັ່ງ ​ໂດຍ​ໄດ້​ຕຳ​ໜິ​ການ​ຮ່ວມ​ມື​ລະ​ຫວ່າງ​ຈີນ​ກັບ​ອາ​ຟ​ຣິ​ກາ.

      ຕໍ່​ກັບ​ການ​ສະ​ແດງ​ທ່າ​ທີ​ກ່ຽວ​ກັບ​ການ​ຮ່ວມ​ມື​ຈີນ-ອາ​ຟ​ຣິ​ກາ​ຂອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຝ​ຣັ່ງ, ທ່ານ ຈ້າວ​ລີ້​ຈ່ຽນ ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ໃນ​ກອງ​ປະ​ຊຸມ​ຖະ​ແຫຼງ​ຂ່າວ​ທີ່​ຈັດ​ຂຶ້ນ​ໃນ​ວັນ​ທີ 25 ພະ​ຈິກ​ນີ້​ວ່າ: ຈີນ​ໄດ້​ຮັກ​ສາ​ຖາ​ນະ​ເປັນ​ປະ​ເທດ​ຄູ່​ຮ່ວມ​ການ​ຄ້າ​ໃຫຍ່ອັນ​ດັບ​ໜຶ່ງ​ຂອງ​ອາ​ຟ​ຣິ​ກາ​ເປັນ​ເວ​ລາ 12 ປີ​ລຽນ​ຕິດ​ແລ້ວ. ນັບ​ແຕ່​ເວ​ທີ​ປຶກ​ສາ​ຫາ​ລື​ການ​ຮ່ວມ​ມື​ຈີນ-ອາ​ຟ​ຣິ​ກາ​ສ້າງ​ຕັ້ງ​ຂຶ້ນ​ເປັນ​ຕົ້ນ​ມາ,ວິ​ສາ​ຫະ​ກິດ​ຈີນ​ໄດ້​ເພີ່ມ​ການ​ສ້າງ​ແລະ​ຍົກ​ລະ​ດັບ​ທາງ​ລົດ​ໄຟ​ໃຫ້​ແກ່​ອາ​ຟ​ຣິ​ກາ​ຫຼາຍກວ່າ 10 ພັນ​ກິ​ໂລ​ແມັດ,ທາງ​ຫຼວງ​ເກືອບ 1 ແສນ​ກິ​ໂລ​ແມັດ,ໄດ້​ສ້າງ​ວຽກ​ເຮັດ​ງານ​ທຳລວມ​ທັງ​ໝົດ​ຫຼາຍກວ່າ 4,5 ລ້ານ​ຕຳ​ແໜ່ງ​ງານ. ທັງ​ໝົດ​ນີ້​ລ້ວນ​ແຕ່​ໄດ້​ເລັ່ງ​​ການ​ພັດ​ທະ​ນາ​ອາ​ຟ​ຣິ​ກາໃຫ້​ໄວ​ຂຶ້ນ​ແລະ​ແຂງ​ແຮງ,ຍົກ​ລະ​ດັບ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ທ້ອງ​ຖິ່ນ​ໃຫ້​ສູງ​ຂຶ້ນ ເຊິ່ງປະ​ຊາ​ຄົມ​ໂລກ​ເຫັນໄດ້​ຢ່າງ​ປະ​ຈັກ​ຕາ.

      ທ່ານ ຈ້າວ​ລີ້​ຈ່ຽນ ກ່າວ​ຕື່ມ​ວ່າ: ປະ​ສິດ​ທິ​ຜົນ​ດ້ານ​ການ​ຮ່ວມ​ມື​ລະ​ຫວ່າງ​ຈີນ-ອາ​ຟ​ຣິ​ກາ​ດີ​ຫຼື​ບໍ່​ດີ,ປະ​ຊາ​ຊົນ​ອາ​ຟ​ຣິ​ກາ​ມີ​ສິດ​ເວົ້າ​ຫຼາຍ​ທີ່​ສຸດ. ຫວັງ​ວ່າ​ປະ​ເທດ​ທີ່​ກ່ຽວ​ຂ້ອງຈະຕີ​ລາ​ຄາ​ການ​ຮ່ວມ​ມື​ຈີນ-ອາ​ຟ​ຣິ​ກາ​ຢ່າງ​ຍຸ​ຕິ​ທຳ​ແລະ​ພາ​ວະ​ວິ​​ໄສ,ຮັບ​ຟັງ​ຫາງ​ສຽງ​ຂອງ​ເພື່ອນ​ມິດ​ອາ​ຟ​ຣິ​ກາ​ໃຫ້​ຫຼາຍ,ເຮັດ​​ເລື່ອງ​ດີ​ແລະ​ເລື່ອງ​ຈິງ​ໃຫ້ກັບອາ​ຟ​ຣິ​ກາ​ໃຫ້​ຫຼາຍກວ່າ​ເກົ່າ.

ຄຳ​ເຫັນ

0