ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ພະຈິກນີ້, ຫ້ອງການຖະແຫຼງຂ່າວຂອງຄະນະລັດຖະບານຈີນໄດ້ຈັດກອງປະຊຸມຖະແຫຼງຂ່າວກ່ຽວກັບສະພາບທີ່ກ່ຽວຂ້ອງກັບປື້ມປົກຂາວ “ການຮ່ວມມືຈີນ-ອາຟຣິກາໃນຍຸກໃໝ່”, ທ່ານ ອູເຜິງ ຫົວໜ້າກົມອາຟຣິກາຂອງກະຊວງການຕ່າງປະເທດຈີນກ່າວໃນກອງປະຊຸມວ່າ: ຈີນໄດ້ປະຕິບັດຕາມຄຳໝັ້ນສັນຍາທີ່ “ເຮັດໃຫ້ວັກຊີນໂຄວິດ-19 ກາຍເປັນຜະລິດຕະພັນສາທາລະນະຂອງໂລກ” ຢ່າງຕັ້ງໜ້າ,ໄດ້ນຳໜ້າຊ່ວຍເຫຼືອວັກຊີນໂຄວິດ-19 ໃຫ້ກັບປະເທດອາຟຣິກາ, ປັດຈຸບັນ, ໄດ້ສະໜອງວັກຊີນໂຄວິດ-19 ໃຫ້ແກ່ອາຟຣິກາທັງໝົດເກືອບ 200 ລ້ານຫຼອດ.
ທ່ານ ອູເຜິງ ກ່າວວ່າ: ນັບແຕ່ເກີດມີການແຜ່ລະບາດຂອງພະຍາດໂຄວິດ-19 ຢູ່ອາຟຣິກາແລ້ວ, ພວກເຮົາໄດ້ເດີນທາງໄປຊ່ວຍອາຟຣິກາຢ່າງທັນເວລາ,ໄດ້ດຳເນີນການຊ່ວຍເຫຼືອມະນຸດສະທຳທີ່ມີຂອບເຂດກວ້າງຂວາງທີ່ສຸດແລະມີຄວາມຫຸຍ້ງຍາກຫຼາຍທີ່ສຸດນັບແຕ່ສະຖາປະນາສາທາລະນະລັດປະຊາຊົນຈີນເປັນຕົ້ນມາ. ຈີນຍິນດີສືບຕໍ່ສະໜັບສະໜູນປະເທດອາຟຣິກາໃນການຕ້ານກັບພະຍາດໂຄວິດ-19 ໂດຍຕາມການພັດທະນາສະພາບການແຜ່ລະບາດຂອງພະຍາດໂຄວິດ-19 ແລະຄວາມມຸ່ງມາດປາຖະໜາຂອງປະເທດທີ່ກ່ຽວຂ້ອງ. ຈີນແລະອາຟຣິກາມີຄວາມໝັ້ນໃຈໃນການເອົາຊະນະການແຜ່ລະບາດຂອງພະຍາດໂຄວິດ-19 ຢ່າງຮອບດ້ານໃນສຸດທ້າຍ,ຊຸກຍູ້ການຍົກຄຸນນະພາບແລະຍົກລະດັບໃຫ້ສູງຂຶ້ນ,ຫັນປ່ຽນຮູບແບບແລະເພີ່ມທະວີປະສິດທິຜົນດ້ານການຮ່ວມມືລະຫວ່າງຈີນ-ອາຟຣິກາ,ບັນລຸການພັດທະນາທີ່ມີຄຸນນະພາບສູງ.
ຄຳເຫັນ
0