ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດາຊີ-ເອີຣົບຄັ້ງທີ 13 ທີ່ກຳປູເຈຍເປັນເຈົ້າພາບ ໄດ້ຈັດຂຶ້ນໃນວັນທີ 25 ຫາ 26 ພະຈິກນີ້ ໂດຍຜ່ານທາງວິດີໂອ, ທ່ານຮຸນເຊັນ ນາຍົກລັດຖະມົນຕີກຳປູເຈຍ ໄດ້ເນັ້ນເຖິງການເພີ່ມທະວີລັດທິຫຼາຍຝ່າຍໃນກອງປະຊຸມ.
ຜູ້ນຳແລະຜູ້ຕາງໜ້າຊັ້ນສູງຈາກ 53 ປະເທດສະມາຊິກກອງປະຊຸມສຸດຍອດອາຊີ-ເອີຣົບໄດ້ເຂົ້າຮ່ວມກອງປະຊຸມຄັ້ງນີ້ໂດຍຜ່ານທາງວິດີໂອ. ທ່ານຮຸນເຊັນກ່າວວ່າ, ໃນໂລກທີ່ຢູ່ຫຼັງການແຜ່ລະບາດຂອງພະຍາດໂຄວິດ-19, ຕ້ອງເພີ່ມທະວີການພົວພັນຄູ່ອາຊີ ແລະ ເອີຣົບຕື່ມອີກ ເພື່ອເພີ່ມທະວີລັດທິຫຼາຍຝ່າຍ, ຊຸກຍູ້ການພັດທະນາແບບຍືນຍົງແລະຊົມໃຊ້ຮ່ວມກັນຂອງທົ່ວໂລກ.
ກອງປະຊຸມສຸດຍອດອາຊີ-ເອີຣົບແມ່ນກອງປະຊຸມລະດັບສູງສຸດພາຍໃຕ້ຂອບກອງປະຊຸມອາຊີ-ເອີຣົບ, ຕົ້ນຕໍຮັບຜິດຊອບກຳນົດຫຼັກການຊີ້ນຳ ແລະ ທິດທາງການພັດທະນາຂອງກອງປະຊຸມອາຊີ-ເອີຣົບ, ປະເທດອາຊີແລະເອີຣົບຜັດປ່ຽນກັນເປັນເຈົ້າພາບຈັດກອງປະຊຸມ. ຕາມແຜນການ, ກອງປະຊຸມສຸດຍອດອາຊີ-ເອີຣົບຈັດຂຶ້ນຢູ່ກຳປູເຈຍໃນເດືອນພະຈິກປີ 2020, ແຕ່ຍ້ອນການແຜ່ລະບາດຂອງພະຍາດໂຄວິດ-19, ຈິ່ງເລື່ອນເວລາມາຈັດໃນເດືອນພະຈິກປີນີ້.
ຄຳເຫັນ
0