ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ພະຈິກນີ້, ເວທີປຶກສາຫາລືຮ່ວມມືດ້ານສື່ມວນຊົນ “ຄູ່ຮ່ວມອາຟຣິກາ”ປະຈຳປີ 2021 ທີ່ຈັດໂດຍສະຖານີວິທະຍຸໂທລະພາບສູນກາງຈີນໄດ້ຈັດຂຶ້ນຢູ່ນະຄອນຫຼວງເນໂຣບີປະເທດເຄນຢາ. ເວທີປຶກສາຫາລືດັ່ງກ່າວມີຫົວຂໍ້ວ່າ “ເຄົາລົບກັນ ຮ່ວມມືແບບຕ່າງຝ່າຍຕ່າງມີຜົນປະໂຫຍດ, ສື່ມວນຊົນຈີນ ແລະອາຟຣິກາຮ່ວມມືກັນກ້າວໄປໜ້າ”, ແຂກຖືກເຊີນເກືອບ 100 ທ່ານທີ່ມາຈາກຈີນ ແລະ 43 ປະເທດອາຟຣິກາໄດ້ເຂົ້າຮ່ວມກອງປະຊຸມໂດຍຜ່ານທາງວີດີໂອ ເພື່ອຮ່ວມກັນປຶກສາຫາລືຊ່ອງທາງການຮ່ວມມື.
ທ່ານເຊີ້ນໄຫສົງ, ຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນກ່າວຄຳເຫັນຜ່ານທາງວີດີໂອວ່າ, ນັບແຕ່ “ເສັ້ນທາງສາຍໄໝທາງທະເລ” ໃນສະໄໝບູຮານ, ມາຮອດ “ໜຶ່ງແລວໜຶ່ງເສັ້ນທາງ” ໃນປະຈຸບັນ, ຈີນ ແລະ ອາຟຣິກາໄດ້ຄຽງບ່າຄຽງໄຫຼ່ກ້າວເດີນໄປໜ້າຕາມທິດດຽວກັນ. ສະຖານີວິທະຍຸໂທລະພາບສູນກາງຈີນໄດ້ໃຊ້ສາຍຕາທີ່ພາວະວິໄສ ແລະ ດຸນດ່ຽງກັນ, ຄວາມຈິງໃຈທີ່ຊ່ວຍຊູຍູ້ໜູນກັນ, ແລະເວທີຫຼາຍເຄົ້າໃນການລາຍງານຂ່າວກ່ຽວກັບອາຟຣິກາ, ຍຶດໝັ້ນເປັນຜູ້ຮັກສາການພັດທະນາຂອງຈີນ-ອາຟຣິກາ, ຜູ້ສ້າງສາການພົວພັນຮ່ວມມືລະຫວ່າງຈີນ-ອາຟຣິກາ ແລະ ຜູ້ບັນທຶກມິດຕະພາບຈີນ-ອາຟຣິກາ. ໃນອະນາຄົດ, ສະຖານີວິທະຍຸໂທລະພາບສູນກາງຈີນຈະສືບຕໍ່ລົງເລິກການຮ່ວມມື ແລະ ການແລກປ່ຽນກັບສື່ມວນຊົນອາຟຣິກາ, ຮ່ວມມືກັນຮັບມືກັບສິ່ງທ້າທາຍ, ຮ່ວມກັນສ້າງຄູ່ຮ່ວມຊາຕາກຳຈີນ-ອາຟຣິກາໃຫ້ແໜ້ນແຟ້ນກວ່າເກົ່າ.
ຄຳເຫັນ
0