ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳຂອງວັນທີ 28 ພະຈິກນີ້, ໜ່ວຍງານຮ່ວມຫລາຍພາກສ່ວນເພື່ອຕ້ານພະຍາດໂຄວິດ-19ຂອງສິງກະໂປໄດ້ອອກແຈ້ງການໂດຍລະບຸວ່າ: ເພື່ອປ້ອງກັນບໍ່ໃຫ້ເຊື້ອພະຍາດໂຄວິດ-19ສາຍພັນ “ໂອມີຄຼອນ” ແຜ່ລະບາດເຂົ້າສູ່ສິງກະໂປ, ສິງກະໂປຈະເລື່ອນເວລາປະຕິບັດແຜນແລວທ່ອງທ່ຽວສຳລັບຜູ້ທີ່ໄດ້ສັກວັກຊີນ ໂຄວິດ-19 ຈາກປະເທດກາຕາ, ຊາອູດິດອາຣັບບີ ແລະປະເທດສະຫະລັດອາຣັບເອມີເຣດ ເຊິ່ງຕາມແຜນການເດີມແມ່ນຈະເລີ່ມປະຕິບັດໃນວັນທີ 6 ທັນວາໜ້ານີ້, ສ່ວນເວລາຈະເລີ່ມປະຕິບັດຄືນໃໝ່ຈະປະກາດຕາມທີ່ຫລັງ.
ປັດຈຸບັນ, ສິງກະໂປໄດ້ປະຕິບັດແຜນແລວທ່ອງທ່ຽວສຳລັບຜູ້ທີ່ໄດ້ສັກວັກຊີນໂຄວິດ-19ກັບຫລາຍກວ່າ 20 ປະເທດ, ຖ້າຫາກວ່ານັກທ່ອງທ່ຽວທີ່ໄດ້ສັກວັນຊີນແລ້ວເຂົ້າສູ່ສິງກະໂປຜ່ານແຜນການດັ່ງກ່າວ, ເມື່ອຜົນກວດຫາເຊື້ອໂຄວິດ-19ເປັນລົບກໍສາມາດຍົກເລີກການກັກບໍລິເວນໄດ້. ແຕ່ວ່າ, ຄຽງຄູ່ກັບເຊື້ອພະຍາດໂຄວິດ-19ສາຍພັນ “ໂອມີຄຼອນ” ຖືກພົບເຫັນໃໝ່, ໜ່ວຍງານດັ່ງກ່າວໄດ້ກ່າວວ່າ: ຈະພິຈາລະນາແຜນການດັ່ງກ່າວຄືນໃໝ່, ລາຍລະອຽດຈະປະກາດໃນໄວໆນີ້.
ຄຳເຫັນ
0