ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ພະຈິກນີ້, ອົງການສະຫະປະຊາຊາດໄດ້ຈັດກອງປະຊຸມລະນຶກ “ວັນສາກົນສະໜັບສະໜູນປະຊາຊົນປາເລັສຕີນ”, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍເຖິງກອງປະຊຸມດັ່ງກ່າວ.
ທ່ານສີຈິ້ນຜິງໄດ້ລະບຸໃນສານຊົມເຊີຍວ່າ: ບັນຫາປາເລັສຕີນແມ່ນໃຈກາງຂອງບັນຫາຕາເວັນອອກກາງ. ບັນຫາປາເລັສຕີນໄດ້ຮັບການແກ້ໄຂຢ່າງຮອບດ້ານ, ຍຸຕິທຳ ແລະຖາວອນ, ປາເລັສຕີນ ແລະອິສຣາແອນສາມາດຢູ່ຮ່ວມກັນໂດຍສັນຕິ, ສອງຊົນຊາດໃຫຍ່ຄື: ອາຣັບ ແລະຢີວຮ່ວມກັນພັດທະນາ, ແມ່ນສອດຄ່ອງກັບຜົນປະໂຫຍດຮ່ວມຂອງປາເລັສຕີນ ແລະອິສຣາແອນ, ສອດຄ່ອງກັບເປົ້າໝາຍຖາວອນທີ່ພາກພື້ນມີຄວາມໝັ້ນຄົງ, ທັງສອດຄ່ອງກັບຄວາມປາດຖະໜາຮ່ວມຂອງປະເທດ ແລະປະຊາຊົນທີ່ຮັກຫອມສັນຕິພາບ ແລະຍຶດຖືຄວາມເປັນທຳ. ການແກ້ໄຂບັນຫາປາເລັສຕີນຕ້ອງຍຶດໝັ້ນໃນຫລັກການ ແລະທິດທາງທີ່ຖືກຕ້ອງ. ປະຊາຄົມໂລກຄວນຍຶດໝັ້ນຄວາມພາວະວິໄສ ແລະຍຸຕິທຳ, ສົ່ງເສີມຄວາມໂອບເອື້ອອາລີ ແລະເຂົ້າໃຈເຊິ່ງກັນ ແລະກັນ, ຖືເອົາກອງປະຊຸມສັນຕິພາບມາດຼີດຈັດຂຶ້ນຄົບຮອບ 30 ປີເປັນໂອກາດ, ໃຫ້ການສະໜັບສະໜູນຫລາຍກວ່າເກົ່າແກ່ການຊຸກຍູ້ຫ້ປາເລັສຕີນ ແລະອິສຣາແອນຟື້ນຟູການເຈລະຈາຢ່າງສະເໝີພາບກັນຄືນໃໝ່ບົນພື້ນຖານ “ແຜນການສອງປະເທດ”. ພ້ອມດຽວກັນນັ້ນ, ຍັງຄວນສືບຕໍ່ຊ່ວຍເຫລືອປະຊາຊົນປາເລັສຕີນໃນການຕ້ານກັບການແຜ່ລະບາດຂອງພະຍາດໂຄວິດ-19, ປັບປຸງສະພາບການເສດຖະກິດ, ຊີວິດການເປັນຢູ່ຂອງປະຊາຊົນ ແລະມະນຸດສະທຳໃນປາເລັສຕີນຢ່າງແທ້ຈິງ.
ຄຳເຫັນ
0