ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການແຂ່ງຂັນສະກີແປ້ນດ່ຽວ(Snowboard)ໄດ້ເກີດຂຶ້ນຢູ່ອາເມຣິກາ,ໄດ້ກາຍເປັນລາຍການແຂ່ງຂັນຢ່າງເປັນທາງການໃນງານກິລາໂອລິມປິກລະດູໜາວຄັ້ງທີ 18 ໃນປີ 1998. ການຫຼິ້ນສະກີແປ້ນດ່ຽວໄດ້ດັດແປງມາຈາກກິລາໃຕ້ຄື້ນເທິງໜ້ານ້ຳທະເລ,ສະນັ້ນການຫຼິ້ນສະກີແປ້ນດ່ຽວຈຶ່ງຖືກເອີ້ນວ່າ “ກິລາໜ້ານ້ຳກ້ອນໃນລະດູໜາວ”. ງານກິລາໂອລິມປິກລະດູໜາວປັກກິ່ງປີ 2022 ໄດ້ກຳນົດໃຫ້ມີ 11 ປະເພດແຂ່ງຂັນສະກີແປ້ນດ່ຽວ ເຊິ່ງຈະມີ 11 ຫຼຽນຄຳໃຫ້ຊີງ. ໃນນັ້ນ, ເພດຊາຍມີ 5 ປະເພດແລະເພດຍິງມີ 5 ປະເພດໄດ້ແກ່: ປະເພດລົງຄ້ອຍແຕະເສົາທຸງຫຼື Parallel Giant Slalom, ປະເພດແປ້ນດ່ຽວເຄິ່ງທໍ່ຮູບໂຕບຫຼື half-pipe snowboarding, ແປ້ນດ່ຽວຂ້າມສິ່ງກີດຂວາງຫິມະຫຼືSnowboard Cross, ແປ້ນດ່ຽວກະໂດດລີລາເທິງອາກາດຫຼື Slopestyle ແລະ ທຳຟຣີສະໄຕຫຼື Freestyle skiing, ນອກນີ້, ຍັງຈະເພີ່ມລາຍການໃໝ່ຄື:ລາຍການທິມປະສົມແປ້ນດ່ຽວຂ້າມສິ່ງກີດຂວາງຫິມະຫຼື Snowboard Cross ອີກດ້ວຍ.
ການແຂ່ງຂັນທຳຟຣີສະໄຕ Freestyle skiing ຂອງລາຍການແຂ່ງຂັນສະກີແປ້ນດ່ຽວຂອງງານກິລາໂອລິມປິກລະດູໜາວປັກກິ່ງປີ 2022 ຈະຈັດຂຶ້ນຢູ່ເຂດແຂ່ງຂັນສະກີແປ້ນດ່ຽວກະໂດດທີ່ໂສ້ວກ່າງປັກກິ່ງ, ສ່ວນປະເພດອື່ນໆທີ່ເຫຼືອຈະຈັດຂຶ້ນຢູ່ຢຸນຕີງເຂດແຂ່ງຂັນຈ່າງເຈ່ຍໂຂ້ວ.
ການແຂ່ງຂັນສະກີແປ້ນດ່ຽວແມ່ນກິລາຊະນິດໜຶ່ງທີ່ສະແດງລີລາຢ່າງເປັນອິດສະຫຼະ, ແຟຊັນ ແລະ ຄວາມໜ້າຫວາດສຽວ,ແມ່ນລາຍການກິລາທີ່ໜ້າລອງຫຼິ້ນສຳລັບເພື່ອນມິດທີ່ມັກຄວາມທ້າທາຍແລະຫວາດສຽວທັງຫຼາຍ.
ຄຳເຫັນ
0