ວັນທີ　3　ທັນວາ　2021ນີ້，　ເສັ້ນທາງລົດໄຟຈີນ－ລາວທີ່ ເຊື່ອມຕໍ່ນະຄອນຄຸນມິງແຂວງຢູນນານປະເທດຈີນ　ຫານະຄອນຫລວງ ວຽງຈັນປະເທດລາວ　ແລະນຳໃຊ້ມາດຕະຖານຈີນທົ່ວສາຍນັ້ນໄດ້ເປີດ ນຳໃຊ້ແລະໃຫ້ບໍລິການຢ່າງເປັນທາງການແລ້ວ．　ທ່ານສີຈິ້ນຜິງ　ເລຂາທິການ ໃຫຍ່ຄະນະກຳມະການສູນກາງພັກກອມມູນິດຈີນ　ປະທານປະເທດແຫ່ງສປ　ຈີນ　ແລະທ່ານທອງລຸນ　ສີສຸລິດ　ເລຂາທິການໃຫຍ່ຄະນະບໍລິຫານງານ ສູນກາງພັກປະຊາຊົນປະຕິວັດລາວ　ປະທານປະເທດແຫ່ງ　ສປປ　ລາວ　ໄດ້ຮ່ວມກັນເປັນສັກຂີພິຍານໃຫ້ກັບການເປີດນຳໃຊ້ທາງລົດໄຟຈີນ－ລາວ ໂດຍຜ່ານຮູບແບບວີດີໂອ．　ໃນຖານະເປັນໂຄງການສັນຍະລັກມິດຕະພາບຈີນ-ລາວໃນຂອບ　＂ໜຶ່ງແລວໜຶ່ງເສັ້ນທາງ＂, ທາງລົດໄຟຈີນ-ລາວ ຈະເປັນການຮັບປະກັນອັນເຂັ້ມແຂງໃຫ້ແກ່ການສ້າງແລວເສດຖະກິດຈີນ-ລາວໃຫ້ສຳເລັດໄວຂຶ້ນກວ່າເກົ່າ ກໍຄືການສ້າງຄູ່ຮ່ວມຊາຕາກຳຈີນ-ລາວ.
 

 ຜູ້ຮັບຜິດຊອບທີ່ກ່ຽວຂ້ອງຂອງກຸ່ມລັດວິສາຫະກິດທາງລົດໄຟແຫ່ງຊາດຈີນໄດ້ໃຫ້ຮູ້ວ່າ: ທາງລົດໄຟຈີນ-ລາວມີຄວາມຍາວທັງໝົດ 1035 ກິໂລແມັດ, ເປັນທາງ ລົດໄຟສາກົນທີ່ເຊື່ອມຕໍ່ກັບຕາໜ່າງລົດໄຟຈີນໂດຍກົງ, ທາງເໜືອ ເລີ່ມຈາກນະ ຄອນຄຸນມິງ ແຂວງຢູນນານ ທາງພາກຕາເວັນຕົກສຽງໃຕ້ຂອງປະເທດຈີນ, ທາງໃຕ້ ເນັ່ງຜ່ານນະຄອນຢູ້ຍຊີ່, ນະຄອນພູເອີ, ກິ່ງແຂວງສິບສອງພັ່ນພາ, ຜ່ານ ດ່ານທາງລົດໄຟບໍ່ຫານປະເທດຈີນ ແລະດ່ານທາງລົດໄຟບໍ່ເຕັນປະເທດປະເທດລາວ ເຂົ້າສູ່ ເຂດພາກເໜືອລາວ ແລ້ວສືບຕໍ່ເນັ່ງຜ່ານແຂວງຫລວງນ້ຳທາ, ແຂວງອຸດົມໄຊ, ແຂວງຫລວງພະບາງ, ແຂວງວຽງຈັນ ໄປຈົນຮອດນະຄອນຫລວງວຽງຈັນ ປະເທດລາວ.
 

 ພາຍຫລັງທາງລົດໄຟຈີນ-ລາວເປີດນຳໃຊ້ແລະໃຫ້ບໍລິການແລ້ວ, ການເດີນທາງຈາກ ຄຸນມິງຫາບໍ່ຫານໄວສຸດຈະໃຊ້ເວລາ 5 ຊົ່ວໂມງ 20 ນາທີກໍໄປຮອດແລ້ວ, ຈາກ ບໍ່ເຕັນຫານະຄອນຫລວງວຽງຈັນ ໄວສຸດຈະໃຊ້ເວລາ 3 ຊົ່ວໂມງ 20 ນາທີ ກໍໄປຮອດແລ້ວ. ບວກກັບເວລາຜ່ານດ່ານ, ຜູ້ໂດຍສານທີ່ເດີນທາງຈາກຄຸນມິງ ຫານະ ຄອນຫລວງວຽງຈັນ ໄວສຸດຈະໃຊ້ເວລາປະມານ 10 ຊົ່ວໂມງກໍໄປຮອດແລ້ວ.
 

  ການເປີດນຳໃຊ້ແລະໃຫ້ບໍລິການທາງລົດໄຟຈີນ-ລາວ ຈະອຳນວຍ ຄວາມສະດວກໃຫ້ແກ່ການເດີນທາງຂອງປະຊາຊົນຢ່າງຫລວງຫລາຍ, ຊຸກ ຍູ້ການພັດທະນາໃນດ້ານຕ່າງໆຢູ່ລຽບຕາມເສັ້ນທາງລົດໄຟເຊັ່ນ ການ ທ່ອງທ່ຽວ, ກະສິກຳ, ຊັບພະຍາກອນນ້ຳ ແລະການກໍ່ສ້າງຕົວເມືອງ, ປະກອບສ່ວນເຂົ້າໃນການພັດທະນາເຂດນິຄົມເສດຖະກິດຕ່າງໆເປັນຕົ້ນເຂດ ພັດທະນາກວມລວມໄຊເສດຖານະຄອນຫລວງວຽງຈັນ, ເຂດຮ່ວມມືເສດຖະກິດບໍ່ຫານ -ບໍ່ເຕັນລະຫວ່າງຈີນ-ລາວ ແລະອື່ນໆ. ທັງມີຄວາມໝາຍສຳຄັນຍິ່ງຕໍ່ກັບການຮັດແໜ້ນການຮ່ວມມືດ້ານເສດຖະກິດສັງຄົມແລະການແລກປ່ຽນແລະການຮ່ວມມືດ້ານວັດທະນະທຳລະຫວ່າງສອງປະເທດ,ການເລັ່ງການສ້າງແລວເສດຖະກິດຈີນ-ລາວໃຫ້ໄວຂຶ້ນກໍຄືການສ້າງຄູ່ຮ່ວມຊາຕາກຳຈີນ-ລາວ. ໃນຖານະເປັນສາຍທາງຫລັກທີ່ສຳຄັນຂອງ ທາງລົດໄຟອາຊີ, ທາງລົດໄຟຈີນ-ລາວຍັງຈະກາຍເປັນ “ກະແຈຄຳ” ຂອງ ປະເທດລາວທີ່ທິດເໜືອເຊື່ອມຕໍ່ກັບປະເທດຈີນ, ທິດຕາເວັນຕົກເຊື່ອມຕໍ່ກັບປະເທດໄທ, ມະເລເຊຍ ແລະປະເທດອື່ນໆໃນອາຊຽນ, ເຊິ່ງຈະສົ່ງຜົນດີໃຫ້ກັບການຮ່ວມມືດ້ານເສດຖະກິດໃນເຂດການຄ້າເສລີຈີນ-ອາຊຽນ ແລະອະນຸພາກພື້ນແມ່ນ້ຳຂອງ.